سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2010-01-07

إلى دبي



السلاام عليكم ورحمة الله و بركاته

شحالكم ؟؟ شو أخباركم ؟؟

يوم الأثنين بتاريخ 4/1

رحنا دبي رحلة من الكليه

رحنا دبي مول



يعني اول شي ملل الباص و درب من العين لين دبي

و بعدين حاطين حق كل كلااسين استاذ

و من الاساس مختارين من كل كلااس 4 بنات بس



المهم وصلنا دبي مول و الكل يطالعنا

الاجانب يطالعونا كأنه كائنات فضائيه و نحن ما ندري



و قالوا لنا اونه كل كلااس يروح ويا استاذه

عاد نحن ريال كان المسؤول عنا

بعدين رحنا فوق عن الحديقة الأسماك و الأكواريوم Happy Dance

دخلنا و كل شي من طلعنا اونه شو قالوا لنا

نحن حاطين كيمرات فالمول و اللي نشوفها تكلم شاب بنتصل في أهلها

و حاطين السيكيرتي يراقبونكم و اللي تكلم واحد بيتصلون حق أهلها

هههههههههههههههههه والله ضحكوني عبالهم نحن صف أول ابتدائي ما نعرف هالحركات

قسم بالله قعدت اضحك في ويهه المس خخخخخخخ

و قعدنا نحوط ونحوط ونحوط فالمول ولا اشترينا شي بس اشترينا غدا و آيس كريم

احين يبت لكم صور الحديقة المائيه بس الصور كانت شويه غير

لأنه السمك يتحرك وانا اصور بالتلفون

و انا ماحطيت كل الصور كله ع السريع سويته





هذا قنديل ^^




هذا عشان اللي يبا يغوص يخبرونه كيف يسوي و بعديين يعطونه ثياب





و هذا قبقوب " سرطان "





و هذا تنين البحر



و هذا كان تحت فالمول يشغلون اغنيه و يتلون

و انا أقول حق ربيعتي بنروح نلعب أقيه

قالت ربيعتي هيه بيتحرونها راب خليجي خخخخخ



الصراحه المكان وااايد حلو

و الأكواريوم كأنه الواحد داخل البحر

مثل القوس و نحن نمشي و الاسماك من فوق والجوانب و نشوفهن وعادي

بس يخوف شويه ههه

شي قرش و لخمه

و كل نواع الاسماك تقريبا

وبس

هناك 26 تعليقًا:

رورو الشخبوطه يقول...

السلام..

يونس حجيكم ..

وهالمول شكله يشوق ماشاءالله ..

مشكوره ع الموزوع ..

daloo3a يقول...

هلاا رورو

والله انه كشششششخه هالمول

كل شي فيه حلو و نايس =)

mese يقول...

مرحبآ دلووعه..
ونآآسه شكلهآ الرحلة..إن شآء الله دوووم هالفرح..

شكله واايد حلو المول أنا يلين ألحين ما رحت له..يلآ شوقتينا نروح..

دمتي بخير حبيبتي..~

اقصوصه يقول...

من الصور الرحله شكلها كانت ممتعه

احب سيرات المول الصبح

يكون فاضي وتاخذين راحتج

تحسين ان المول لج :)

تصدقين انا دبي مول بعدني ما سرته!

كل مره اقول بسير وائجل وانسى

ما عليه خلاص انتي سرتي عني :)

شاي الضحى يقول...

وناسه خوش رحله

المول وايد حلو

التانل حلو بس حديقة الاسماك سخيفه ما حبيتها اكواريوم المركز العلمي احلى

جان قعدتوا لي بليل ونطرتوا الافتتاح

سامر محمد عرموش يقول...

الاخت الكريمة
يبدوا لي ان المكان رائع وانا من محبي البحر ومخلوقاته واتمنى زيارته
تحياتي

Fishah يقول...

والله حلوه رحلتكم :)

انا من زماااااااااااااان مارحت دبي :<

الله يعطيج العافيه حبوبه وكل عام وانتي بخير :)

قلم رصاص يقول...

فيه شوية حقد دفين عندي
كنت عاوز اجي معاكم
ههههههههههههههه

رحله موفقه
وكل سنة وانتي طيبه

daloo3a يقول...

mese انصحج الصراحه تروحين لكن بشرط
تييبين وياج معاش شهر خخخخخ

اقصوصه المره اليايه بشلج وياي بس ع حسابج

و عطونا بعد هديه من الأكواريوم

daloo3a يقول...

شاي الضحى أصلاا قصوا علينا قالوا لنا التجمع الساعه 3 و عندنا لكم مفاجأه و ردونا العين =(

سامر : خلااص بشلك و بخليك تغوص ع حسابك

daloo3a يقول...

Fishah والله دبي تغيرت وااااااااااييد ^^

قلم رصاص : هههههههه أدب حقك مابا اشلك ويانا P:

خديجة البهاويد يقول...

الله حده ونااااااااااسة

واحلى شي عجبني تنين البحر شكله غريب

عليكم بالعافية ^_^

daloo3a يقول...

خديجه نورتينا والله

يسلموووو =)

صمت البوح يقول...

يااا حيكم

^.^ ان شاءالله دووم هالونااسه

يبالنا نسير صوبه في يوم من الايام

ونشل اليهال..دامة فيه حيوانات بحيرة بستانسوون ^^

يسلموو دلوعه ع البوست الممتع

daloo3a يقول...

يا هلاا والله بصمت البوح نورتي ^^

والله المكان واااايد حلو =)

S.M.G يقول...

ماشاء الله ^^
الحمد لله ع السلامة
صدق وايد حلو الرحلة شوقتيني ^^

عالم الحب يقول...

واو رحلة جميلة ورائعة وشيقة
سلمت يمناكي خيتوو على هالموضوع الحلو وحكايتكي لنا لما دار معكي هناك :)
وناسة والله :)
تقبلي مروري المتواضع
وأتمنى بأن لاتحرميني من زيارتكي لعالم الحب
http://www.al7ob1.blogspot.com/

daloo3a يقول...

S.M.G

يسلمووو ^^

عالم الحب

شكرا على المرور الحلو و ان شاء الله بزورها مدونتك ^^

hsber يقول...

دبي خياليه

انشالله

بعد اسبوعين او ثلاثه بالكثير بروح دبي

نطروني لول :p

daloo3a يقول...

ههههههه

ان شاء الله حياك الله اخوي ^^

iCoNzZz يقول...

شكلها كانت خوش رحلة والصورة الأخيرة اعجبتني الألوان ^^"

daloo3a يقول...

يسلمووو وااايد على المرور الحلو

الرحله يعني كانت حلوه و ملل في نفس الوقت ^^

غير معرف يقول...

قلب حزين

ناايس pic واحلى شي سرطان

فديته

مشكوره اختي ع الصور الحلوهـ

^^

daloo3a يقول...

يسلمووو قلب حزين على المرور

إذا تباه وااااااصل ^^

الشاعر الفنان أحمد فتحى فؤاد يقول...

انا روحت المول و هو لسه فى اول أيام إفتتاحه كان لسه فاضى .. هربت قوام على المتنفس الأول فى دبى سيتى سنتر
بس سامع إنه الحين زين
باروحه تانى إن شاءالله
شكرا لك

daloo3a يقول...

شكرا يا الشاعر على المرور الحلو ^^

و ان شاء الله تروح له تراه وايد حلو =)