السلاام عليكم ورحمة الله و بركاته
شحالكم ؟؟ شو أخباركم ؟؟
تراني انا وحده مليييييييييييييييييييييت من كثر الإيميلاات اللي مالها معنى
و كلها سخافه في سخافه
يعني احين مثلاا غصب انا اطرش الإيميل ؟؟!! يوم يكتبون أنت اقسمت و ما ادري شو يمكن انا مابا اطرش كيفي ياويلك من الله
ولا أحلى شي يوم مطرشين ايميل اونه مواقع إسلااميه بإداره يهوديه انزين انتوا ليش تنشرونها ؟؟!! يعني يمكن انا افتح واحد من هالمواقع و اشوف اللي فيه و اصدقه << عاد انا ما اقول لا ههههه
امس بعد وصلني ايميل و كان عنوانه واجب وطني و الإيميل كان شاب قطري في لية من الليالي حلم الشيخ زايد الله يرحمه برحمته و قاله الشيخ زايد سلم على شعبي و خلهم يقرون الفاتحه .. الله يرحمك يا زايد .. و كان الايميل كأنه احد يتكلم عن هالشاب ليش هالشاب ما تكلم عن نفسه يعني يقول انا حلمت لأنه لو كتب جيه بفكر اصدق ولا لا بس بطريقه اللي كاتبنها ماراح اصدق ...
و الإيميل اللي اونه السيده عائشه كانت تخيط و طاحت الابره من ايدها و قعدت تدورها و دخل الرسول صلى الله عليه وسلم و كان وجهه منور لدرجة انها شافت الابره و خذها و قال الرسول الويل لمن ذكر اسمي عنده ولم يصلي علي . شكيت ليش لأني اذكر يوم كنت صف رابع أبلة العربي قالت لنا عن حديث بما معنى الحديث انه أبخل البخلااء اللي ينذكر جدامه اسم الرسول ولا يصلي شفتوا كيف " التعلم فالصغر كالنقش على الحجر" مايخصه المهم ليش الناس تجذب علينا ؟؟!!
و بعد قصة هذاك اللي قال لاإله إلا الله عدد الحركات و السكون يعني بما معنى الايميل ما اذكره و كان اونه الملاائكه ما قدرت تعد حسناته و يوم دعاء بنفس الدعاء قالت الملاائكه لم ننتهي يعني ما اذكر كيف كان الايميل بس بما معناااه يعني هاي القصه خررررررررررررررررررررررررررررررررررررريط سألت و قالوا ما ذكرت هالقصه في اي عهد من العهود يعني من وين يايبينها ؟؟!!!
وفي ايميل انتشر كان عنوانه الحمدلله اني بنت .. اتوقع انه الكل يعرفه لو كان صدق الكلاام اللي فيه بسوي معاصي الدنيا كلها تراه آخر شي بيغفرون لي عادي صح ؟؟!!
مره بعد وصلني ايميل عن ممثله يعني مظهره شعرها و ما كانت لابسه لبس ساتر و بعدين حاطين صورتها و هيه متحجبه يعني تابت الحرمه انزين ليش تحطون صورتها يوم هيه ما كانت متستره ؟؟ ترا الحرمه تابت يعني لازم الفضايح ؟ بس حطوا صورتها و هيه متحجبه و اكتبوا عنها انها هيه تابت و خلااص
ولا احلى شي انا كنت شاريه طاولاات جديده و بنتي الصغيره صبت عليها ديتول و تشققت يعني ديتول مب زين بيييب لكم مرض خطييير اسمه ديتووليييشن ..
لا تستخدم هالصابونه لأنه فيها مرض الأيدز !!! لا تستخدم هالشامبو لأنه يسبب مرض السرطان *_* لا تستخدم هالمعجون لأنه فيه الجمره الخبثه واااو لا تستخدم مزيل العرق لأنه يسبب مرض السل !!
يعني نخيييييس ؟؟ ولا نتسبح بماي و تراب لالا انا انصحكم تتسبوحون بسدر تراه وايد زين اسأل مجرب الحلقه اليايه بنسوي لكم خلطات عشان لو صار ماشي صابون ولا شامبو ولا معجون ولاشي ولا تزعلوون
بعدين بنعييش جيه
لا تآكل من لحم أمريكا لأنهم يآكلون الخنازير يعني بييكم المرض
ولا تآكل من بطيخ أمريكا لأنهم يضربونه أبر و الأبره هاي تسبب العقم يعني هم حاقدين عليكم
لا تآكلون البرتقال لأنك ما تعرف تقصه و لو قصيته بطريقة غلط بتصاب بمرض جنون البقر << شو يخصه خخخخ
لا تتكلم فالتلفون لأنه يخرب المخ ... و إذا كنت تبا تتكلم لا تحط السماعه على أذنك اليمين ولا على أذنك اليسار يعني احطها في خشمي ؟؟
ولا تآكل حب تباع الشمس لأنه يخرب تفكيرك ... ولا تآكل البطاطس ولا الحلااوه لأنها تسبب اسهال أو أمساك
بطيتوا جبدي من هالايميلات << على قولة أخونا الكوييتيين ...
جاتكوااا نيله << على قولة اخونا المصرييين ..
اللي بشوفه يطرش لي ايميل مني ولا مناك نفس هالسخافات بروح بيتهم بدبابه و بفجره
ملااحظة : إذا ما حطيت تعليق بتحلمني كل يوم و انا اقولك ليش ليش ليش ليش ليش مارديت علي
و إذا رديت علي بتشوف جدامك محشش
هناك 12 تعليقًا:
هممم موضوع خطير وفي محله
بس..!!
كله كووووم والشيدة عائشة كوووم ثاني خخخخخ <<< صااادوووه
عربي زعيف ارباب ههههه
نايس بوست سيسوووو
تسلميين على المرور الحلو ^^
هههههههه انزين غلطه مطبعيه عادي
خخخخخخخخخخخخخخخخخخخخخخخخ امبيه ..
صج ماعندهم سالفه ايميلات مخرفه واستغفر الله تافهة ..
ومشكوره..
صراحة تبين الصدج لي يرسلج ها الإيميلات مع احترامي له متخلف يعني ماعنده عقل في حد يرسل إيميلات وهوه مايعرف مضمونها ولا متأكد من صحتها ترى وايد حصلت لي بس طاااااف وبعدين لغيت الإميلات ههههه ^^
يوعانين نبي ناكل
اوووووووووويه
تصدقين دلووعه
رقدت وجفت كاابوس فظييع
جان أقووم و اكتب التعلييق << خريط ميمع تعال وتسمع ..لووووووول
-------
عيبني موضووعج ..
وتراه ييب مرض اسمه فنتيكيشن ...لووول
----
هالأحاديث الضعيفة اللي تنتشر .. أغلبها
تنتشر من جهات علمانية
وهالشي معرووف
هم يبون ينشرون الأحاديث المكذوبة عن النبي (صلى الله عليه وسلم ).. ولو تلاحظين إنه أغلبها ما تدش العقل ... اتخيلي لو ذكرنا هالأحاديث المكذوبة لغير المسلمين ..شو بتكون ردة فعلهم ؟؟ هالأحاديث المكذووبة ما تدخل العقل .. والإسلام انبنى أساسا ع الحقائق .. مستحيل يكون في حديث يخالف الحقائق العلمية و العقلية ...
------
مع انه انكشفت خطة العلمانيين .. اللي كل يوم يطرشون لنا إيميلات
والمسلمين ما مقصرين ينشرونها أسرع من البرق ..
المشكلة كلها أكاذيب و صور مركبة ..
مثل إيميل " الخنزير " عزج الله اللي كان دايس القران ..
ولا صورة القمر وهو منشق نصين ..
وغيرها من الأحاديث المكذووبة
--------
ما أعرف متى العقليات اللي عندنا تصحى
وتفكر شوي
قبل لا يسوون لأي إيميل
Forward ...
-----------
و أهنييج ع الموضوع الراائع جدا جدا ..
و كل يوم وقفي عند باب بيتكم ..
تراني موصية راعي الدكان ..يوصل لج الهدية ..
تراه لو ما وصلتج الهدية .. اتفاهمي معااه ... ما بخسر عمري مره 2 واشتري لج هدية 2 ...
---------
لووووووووول
أووووووويه ...
اشطوووله التعلييق
...
صدق الكاابوس أثر فيني
:d
رورو : مخرفه نفس .......... خخخخخخخخ
تسلميين على المرور الحلو ^^
عبدالله المزروعي : طاف و الدنيا حلوووووووووه ^^
سمو الأميره : هههههههههههههه احسن عشان مره ثانيه تردييين علي خخخخخخخ
سمو الأميره زين يوم عرفتي انه طوييل التعليق خخخخخخخخخخ
تسلمييييين على احلى تعليق ^^
لو ما طلع الهديه بودييه مركز الشرطه خخخخخخخخ
هذا الكلام ماخوذ خيره ...ومنتي ملزومة تطرشينهم واي شي فيه اونه صوت حق النبي عليه الصلاة والسلام لا تطرشينه لانه الرسول اكرم من انه نقارنه بغيره
وحتى هاللي يقول امانه وهالكلام ..شفت فيديو يفتون انه احذفوا هالايميلات ..لان القسم والامانه مو لعبة
وياكثرهم هالايميلات
دمت بخير ~
أعرف بس انا اقول حق اللي مايعرف
^^
إرسال تعليق