سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2010-08-12

ذكريات طفلة

السلاام عليكم ورحمة الله و بركاته
شحالكم؟؟ شو أخباركم ؟؟ Hello
و انا كنت قاعده اقرأ موضوع ام حروبي
تشجعت اني اكتب عن يوم كنت صغيره
طبعا انا بديت اصوم يوم كنت صف ثالث ابتدائي
صمت 6 ايام و كلهن فطرتهن
اول يوم في رمضان صمت و كل شي يوم شفت خواني يتغدووون
جان آكل وياهم
و مره امايه كانت رايحه عمان و انا صايمه و محد فالبيت
غير خواني قلت حق اختي العوده انا يوعانه بفطر مالي خص
قالت لي انزين جان يقولي اخوي لا ما تفطرين
قلت له بفطر و رحت انخشيييت و كليت خبز و جبن و شافني اخوي و هزبني
بس عادي يعني كليت و خلصت شو الفايده ههههه<<< شكله اخوي بروحه كان يبا يفطر خخخخ
و يوم صرت صف رابع اول يوم رمضان ما كنت صايمه
و بنات عمي ثنتين صايمات وحده منهن كبري و وحده اصغر عني بسنتين
و يغايضني انهن صايمات و انا لاا ... و حتريييت عاد انا و هذاك الرمضان فطرت بس 4 ايام و الباجي صمته
و في نفس السنه توفت عمتي الله يرحمها و بنت عمي اللي كبري كانت صايمه هذاك اليوم و انا لاا و كان العزا في بيتنا
و كلنا مسوين لنا خبز و جبن و بنت عمي ويانا قالوا لها كليها بعد الفطور
و عاد هيه انخشت ورا الخيمه و قعدت تآكل و تقولي لا تخبرين علي خخخخخخ عاد احين بقووول هع
يوم كنت صف خامس على اساس اني صايمه رمضان كله
مايعرفوون اني كنت افطر و محد يعرف خخخخخخخخخ
مره كانت عندنا رحله و رحنا الرحله و كنت عطشااااااااااااااااانه وااااااااااااايد و اوني بس اتمضمض و كنت اشرب الماي هع
و عاد يوم كنت صف سادس صمت رمضان كله كنت افكر اني افطر لكن مافطرت ولا يوم
بس مره نسيت اني صايمه اختي قاعده تقطع السلطه و انا آكل و آكل و آكل و نااااااااسيه
لين يت امايه قالت لي ايييه انتي مب صايمه قلت اووووووووووووووه نسيت حليلي
ولا عاد فالمدرسه اللي ما تصووم يقولون لها
يا فاطر رمضان يا تارك دينك الأطه السودا تآكل مصارينك
و وحده بعد كنا نغنيها فالبيت
خان بتان جني شيطان يآكل علوج في رمضان
وام حروبي بعد كانت عندنا وحده اسمها دعاء كانت تصوم من يوم هيه صغيره الله يذكرها بالخيير ان شاء الله

هناك 12 تعليقًا:

رورو الشخبوطه يقول...

انا اول مره صمت بدعت :\

خخ ..

ومشكوره..

رورو الشخبوطه يقول...
أزال المؤلف هذا التعليق.
سمو الأميرهـ ..ツ يقول...

هههههههههههههههههههههههههه
ضحكني البوست

حليلي بس لو كنت أعرفج وانتي صغيره \جان غنيتهم لج ... لوولز

انا أول مره صمت فيها يوم كنت صف 2 وكان عمري 6 سنين ..بس شو كان صياامي عجيب ...
صوم عن الأأكل وبس ..
اتخيلي أقول للكل أنا صايمة و من هناك أشرب ماي
حليلي كنت أتحرى الصوم بس عن الأأكل ..
وصمت رمضان كله وصيام عدل يوم كنت صف 3
كان عمري 7 سنين
لووولز

------
عاد من الصبح كل حد يزخني فالمدرسة
طلعي لسانج أونه
إذا أبيض يعني انتي صايمة
اشدخل
لوووولز
ولا يعصرون صبعي
عسب يتأكدون
-----------

أضحك الله سنج يا دلووعه مثل ما أدخلتي السرور ع قلبنا بهالبووست العجييب

:)

daloo3a يقول...

رورو : خخخخخ كلنا بدعنا يا حليلنا ^^

العفو =)

daloo3a يقول...

سمو الأميره : حلوه هاي بس تشربين ماي ...

و على سالفة الصبع و اللسان عند الكل هاي
اتذكر بنت الجيرانا كانت تقول لي شوفي انا صايمه و اطلع لسانها لي خخخخخخخخخ

و يسلمو على احلى مرور ^^

~أم حرّوبي~ يقول...

ههههههههههههههههههههههه اما عليييج سوالف دلوعوووه ..عيل تنخشين وتاكلين خبز جبن ها!
حلوه هاي شو الفايده يهزبج فطرتي وخلصتي هههه
ياااكبرها اونج تتمضمضين ههههههه
قطوه سودا تاكل مصارينك ..يا الهي (00)
اشوى مالحقت عليها ..
تدرين يوم كنت اصوم ..وانا صغيره كنت ماروح (عزج الله)الحمام..عبالي اذا دخلت يبطل صيامي ..عاد تخيلي الوضع كيف هههههه تعذيب

تعالي ليكون كنتي وياي بنفس الصف ..عيل دعاء كانت معاكم بعد ؟؟

سوالفج 10\10 (^_*)

daloo3a يقول...

خخخخخخخخخخخخخخخخخ

حتى انا على سالفة " عزج الله " الحمام " عبالي اللي يروح يفطر و لقيت هزبه محترمه من امايه ههههههههه حليلي =(

غير معرف يقول...

هههههههههههه احلى شي يوم كنتي صف رابع وبنات عمج يا حليلهم يغايضونج هههههه يا حراام والله شعور صعب

فديت دعآآء الي اعرفها كل يوم تصوم ما شاء الله عليها ... لووولز ^^"

وسالفة المااي روعه بعد اونه تتوضين وكله يشرب ماي في المدرسه دووم كنه نسويها واحن يهال والله كنا كيوت ^.^

وسالفة الخبز والجبن بعد ايااام

والله ونستينا في هالموضوع لوولز

يسلموو بنت خالي

أخوكم قلب حزين

daloo3a يقول...

قلب حزين
ههههههههههه ... و الله عاد كنا صغار شو نسوي

تسلم على احلى مرور ^^

Samt♥AlbadoO يقول...

هههههههههههههههههههههههه
سوآآآلف


>> ع السريع خخخخ

vitamin يقول...

ههههههههههههههههههههههههههه


سوالفج حلوه
حلوه سالفة اتمضمض و اشرب ماي

صياما مقبولا خيتوا


=^.^=

cutemum يقول...

حلووة الاغااني

ومبرووك علييكم الشهر