سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2010-12-04

فري فري

السلاام عليكم ورحمة الله وبركاته
شحااالكم ؟؟ و شووو أخباركم
احس من زماااان ما حطيت شي حلو مثل طلعه ولا رحله ولا شي جيه يعني ^^
المهم يوم الأربعا طنشت الكليه و الدوام و خرابيط الدراسه ووووو رحت بوظبي
كنا انا و اختي رايحيين هناك
رحنا تحوطنا شوي
و بعدين رحنا مسجد الشيخ زايد الله يرحمه و كنت اول مره أروح له
الصرااااااااحه تحححححححححححفه حلووو واايد يجنن
طبعا كل ما اروح اشوفه من برا بس بس هالمره دخلت و شفته من داخل
عقب حطنا شوي و بعدين رحنا صوب قصر الإمارات و اساسا انا ابا اصور قصر الإمارات
لأنه عندنا اسايمنت انه نصور بنايات حلوه أثاث اشياء مثل جيه
لكن يوم شفت البحر قعدت اصوره هو ولا صورة قصر الأمارات ولاا شي هع
المهم
اخليكم ويا الصور احيين ^^
هاي صورة البحر
هذا في مسجد الشيخ زايد
مغاسل للوضوء
هذا داخل مصلى الحريم
هذا المسجد من برا
هذا داخل المسجد مثل الممر

هاي القبه من داخل كاتبين عليها آيات قرآنيه بس مب واضحه
كل قبة آيه
هذا من داخل بعد
و شي وااااااايد صور مره ثانيه بحطهن ان شاء الله
يلاا مع السلاامه ^^

هناك 14 تعليقًا:

هديــل يقول...

ما شاء الله شكله رووعه

ان شاء الله تكونون استانستوا =)

Katkoota xD يقول...

روعة ماشاءالله

يعطيج الف عافية

رورو الشخبوطه يقول...

ماشاءالله حلوو..

واختيار موفق للون الابيض ..

والله يرحم زايد يارب..

مشكوره..

mese يقول...

وعليكِ السلام ورحمة الله وبركاتة..

نعم إفتقدنا لتصويرج الحلوو ولقطاتج المميزة..

حبيت صورة الغروب وااايد حلووه..
وصور مسجد الشيخ زايد..
وأكثر وحده كانت مميزة الزاوية إلي أخذتيها في الصورة الأخيرة..

وأول صورة للمسجد بعد أحب صور النخل وااايد..

موفقه الغاليه..
ودي وإحترامي..

daloo3a يقول...

هديل : اكيد استانست ^^

و شكرااا =)

daloo3a يقول...

Katkoota xD

الله يعافيج ^^

شكراااا

daloo3a يقول...

رورو :

الله يرحمه و يغمد روحه الجنه ....

العفووو ^^


ووووو شكرا

daloo3a يقول...

mese :

وياج يارب ...

انا بعد حبيت أكثر شي اللي حبيتيهن
و شي أكثر مره ثانيه بحطهن ان شاء الله ^^

~أم حرّوبي~ يقول...

انا للحين ما زرت المسيد ..بس مبين متعوب عليه ..
تبين أنا مصورة قصر الإمارات بطرشلج الصور^^ ..ولا لازم تصويركم ؟!!

يعطيييج العافيه :)

daloo3a يقول...

أم حروبي : الحمدلله على السلاامه ^^ ... رجعتي ولا ؟؟


والله رووحييه وااااايد حلو ^^

طرشي صور القصر خخخخخ

Mrs. Purple يقول...

مشالله ودي اسير المسيد بس ما حصلي

Mrs. Purple يقول...

مشالله ودي اسير المسيد بس ما حصلي

محمد سعد القويري يقول...

تحية عطرة معطرة
Attention Please >>>>
المعذرة .. هذا تعليق خارج النص ..
دعوة للمشاركة في
مشروع مقروءاتي الثالث
للمشاركة ولمزيد من التفاصيل .. هنا
http://qweary555.blogspot.com/2010/12/1431.html
ــــــــــــــــــــــــ
وإن شاء الله تكون هذي بداية سلسلة من الزيارات :)

daloo3a يقول...

Mrs. Purple

لازم تروحيين تراه حلوووو وااايد ^^ ..


محمد سعد : ان شاء الله خييير =)