السلاام عليكم ورحمة الله وبركاته شحالكم ؟؟ << على السريع تعرفون شو بكتب عقب
لأني معصصصصصصصصصصصصصصصصصصبه من خاطري
استغرب الصراحه من الناس اللي همهم الوحيد الفلوس
كيف يحصلون عليه المهم فلوس و خلااص
يعني قمة القذاره و الانحطاط << اسمحولي
بس صدق الموضوع ماينسكت عنه
من فتره فالكليه البنات لقوا حشره بدون ذكر اسماء الحشرات تحسبا لمشاعرها
لقوها فالسلطه
ف بنت من البنات صورت السلطه و راحت عند السوبر فايزر قال انا مالي خص
رحنا عند الأكادمك سيرفز قالوا نحن مالنا خص انتوا تصرفوا
فالبنت راحت و اشتكت
و احين الكل يدور على هالبنت يعني شو تبون تسووون فيها
تفصلونها مثلاا ؟؟ ولا تكافئونها ؟؟
يعني السنه اللي طافت كانت اول سنه لي فالكليه و ما كنت آكل رغم انه دوامي كان طويل
يوم صرت آكل من الكانتين الحمدلله ماصار لي شي بس صار لربيعاتي
الدياي ني
الشاورما فيها شعر
المكان وسخ
الأكل غالي ماعرف ليش ؟؟ حتى ماكدونالز و كنتاكي بالنسبه حق اكلهم رخييييييييييييييييييص
و القهر الكبير انه المسؤول عنهم واحد عربي
و اونه يراقبهم ماعرف شو هالمراقبه اللي عنده ماعرف شو مفهوم المراقبه عنده
يمكن يراقب كم عدد الجراثيم اللي فالاكل و يطمح للبلااييين من الجراثيم ؟؟
ولا يحسب كم صرصور و كم سحليه
صدق استغرب من هالناس ماشي ضمير عندهم
عادي عندهم نموت نتسمم بس اهم شي الفلوس
احس افكاري تلخبطت بس يعني انتوا فاهمين شعوري ؟؟
يعني نحن دوامنا من ماعرف كم لين كم احيانا الواحد يكون محتاج انه يآكل شوي عشان يقدر يكمل يومه
من وين بنآكل إذا كل مكان اخيس عن الثاني
عندنا كانتين واحد << حتى ذبابة تسيتسي متعنيه من جنوب افريقيا لين هالكانتين بس لأنه مرتع للجراثيم
الكافيه الأول أكلهم يعني شكله ما يشجع !!!
الكافيه الثاني أكلهم كللللللللللللله زيت
يعني شو بنآكل نحن ؟؟ حتى ممنوع نييب أكل من برا
شكلي بسوي نفس يوم كنا الصغار بالبوكس هذاك مال الأكل و بحط فيه هذا هو الحل الوحيد
بس والله العظيم حرام
ليش الناس صاروا جيه ترا والله والله الفلوس تروح و تي
و الكل بيموت يعني شو راح تستفيد من فلوس بالحرام ؟؟
تذكرت سالفه من زمااااااااااااااااااااااااااااااااااااااااااااااااااااااااااااااااااان وايد يعني يوم كنت صغيره
كنا في دوله من دول الخليج
ف اكتشفوا فيها انهم كانوا يبيعون لحم قطاو يعني برجر بلحم القطو
شفتوا الطمع و الجشع كيف صار
والله العظيم حرام
وين ضمايرهم ؟؟
فيهم ضمير ؟؟
ضميرهم يأنبهم ؟؟
خلااص بسكت تكلمت وايد بس لو حد يكون عدالي احين بطلع كللللللل شي من خاطر خاطر خاطريه
مب متعوده اشتكي من شي اشوفه
بس ماحب اشوف شي غلط و اسكت حتى لو تكلمنا كأنه نكلم يدار مب انسان
تعالوا شوفوا هنيه
الرسمه اللي فوق ربيعتي رسمتها
ووووبس
:(
و شكرا لحسن استماعكم D:
هناك 12 تعليقًا:
السلام عليكم..
كسرتوا خاطري والله..
من جد شي يقهر..
لاضمير ولا احساس ولا دين يردع..
لازم ماتسكتون عن حقوقكم,,
هذا شي ماينسكت عنه
واكيد هالعمال مادروا عنهم المسؤؤلين الكبار..
الله يكون بعونكم..
محبتي
قلمي دليلي
لو تعرفين شكثر نعاني من السنه اللي طافت
حتى صرت عظم على يلد
يعني كل وقتنا فالكليه شو ما نآكل يعني
شكرا على التعليق ^^
حبيبتي والله دلوعه
حاسه فيج نفس الحاله دوامي لين الخمس ونص وانجبر اخذ من الكافتيريا ربيعاتي صارت فيهم هالحاله بس الحمدلله انا لا نحن مطاعمنا اوكي بس يمكن مطعم واحد يباله ينشال
راحت الاخلاق من زمان اللحين اللهم نفسي وجيبي
الله يعين
أم حروبي
والله حرام عليهم
يعني والله العظيم يوم بتصفي نيتك والله كل شي بي ليييين عندك و الفلوس اللي تباها بتيييك
بس حلو مال الحرام
:(
الله يعيين بس
شكرا ام حروبي ^^
السلام علييييييكم
<- اهىء اهىء انا بتعقد من الكلية خلاص
مااعرف شو ارد عليج لانه انتى ما قصرتي
حسبي الله عليهم دنيا و آخرة
مرحباا اختيه
كم بنرمس بهذا الموضوع وكم بنقول وربي تعبنى منهم .. بس لو هاي السالفه توصل لشيوخنا وربي ما راح يسكتون عن الموضوع ..
اي مسؤوول جوورج ابو البنات .. هذا ما يراقب على الاكل يراقب البنات عشان يتلصق فيهم ويعطيهم كرته ويسولف معاهم اي مراااقب اللي تتكلمين عليه هذا لو مراقب عدل جان يوم اول مره لقى شعره في الاكل احتشر عليهم وحاسبهم لكن اعتقد انه هب حاطينه عشان يراقب على الاكل حاطينه عشان يترس كرشته ويطالع البنات اللي رايحه واللي راده..
لا والقهر يوم تناقسينه وتقولين له لقيت شعره يقولج اوجي ياخذ الصحن بكل برود ويغير الاكل ويقولج كلي وما يهزبهم ولا يحاسبهم ولااا شي جنه شي عاادي ..
تعبو البنات من كثر ما يتكلمون ومن كثر ما يكتبون ولكن ما من مجيب ..
غير هاي البنت اللي اشتكت في بنت ثانيه بعد اشترت باستى ولقت داخلها حشره سوداء وقامت صورتها ونشرتها عند بوابة الطالبات ..
يعني شو نسوي بعد كلام وتكلمنا وفعل وسوينا بس نبى حد يوقف ويانا ويوصل صوتنا لشيوخنا...
تدرين ليش الاساتذه والسوبر فايزر هب هامنهم الموضوع لانهم عادي يدخلون اكلهم من برى عشان جذا هم هب مهتمين في السالفه .. لكن لو هم حالهم شرات حالنا جان احتشرو وسكروه ..
ابا اعرف ليش للحين ما سكروه فيران ولقينا وصراصير ولقينا وحشرات ولقينا وسحالي ولقينا .. شو بعد يتريون
موول ما احس ان هذا كانتين احسه انه مستنقع للحشرات "بالوعه" استغفرررر الله
شووو نقووول غير حسبي الله ونعم الوكيل فيهم ..
يليت بس يحكمون ضميرهم هذا اذا كان عندهم ضمير في هاي الكليه .. >> عارفين بالسالفه ويقولون ما نقدر نسويلكم شي ..
الله يعينكم
عاد كل شي ولا الحشرات بالاكل او يكون الاكل مو نظيف
هذا يسبب تسمم وامراض
بس مو من حقهم يرفضون الشكوى ..
احنا الكافتيريا عندنا نحس الاكل مو نظيف مع ان ماكو دليل بس مع هذا لازم يحرصون على نظافة الاكل
ارواح ناس بايدهم
الله يعينكم
حكومة اليابان :
و عليكم السلاام ورحمة الله وبركاته
انا تعقدت و خلصت
بس يلاا هانت كلها سنه و نخلص
مبروك M
معصبه من خاطرج
هالأنسان ماعرف كيف يقهرني لو انه حلاال اصفعه كان صفعته كففففففففففففففففففففففففففففففففففف
hadeelq8
الله يعيين بس
والله حرام عليهم :(
شفيج مشتطه
الحشرات كلها بروتينات وفيها قيمه غذائيه كبيره واهم دليل على هذا سافري المكسيك وكلي اكلهم
عنبو
ولا اكله الا فيها حشرات
اقولج احسن حل
خلي امج تلف لج شندويتش وحطيه في جنطتج ودبري عمرج
المكان الصحيح لهم موب الجامعه وادارتها لاء خبرو جهاز ابوظبي للرقابه الغذائيه وهم بيأدبونهم وبيشوفون لكم حل إن شاء الله
الهناف
الله يخليك بس اي بروتينات الوساااخه اللي فيهن اكثر من البروتينات
يعني ماعرف كيف
ان شاء الله خير
بس احين تأدبوا خخخخ
إرسال تعليق