سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2011-04-10

bee

السلاام عليكم ورحمة الله وبركاته

شحالكم ؟؟ و شووو احوالكم ؟؟

ان شاء الله بخير ؟؟ دوم يارب =)

اممممممم الجو عندنا جيه

حلوووووووو وااايد ^^

" اللهم إجعله صيبا نافعا "

المهم نعود لمحور حديثنا

قبل فتره من زمااااااان يعني من زمان وايد كنت حاطه موضوع بنفس العنوان

اللي يبا يشوفه يدخل هنيه

فالموضوع اللي قبل كان التصوير فيديو

بس هالمره صور عاديه

طبعا بما إني انسانه فاضيه كل يوم الصبح أقوم

المهم اروح عند الورد و الزراعه و اقعد اطالع شو الأشياء اليديده

يمكن اشوف حشره أول مره اشوفها و لا يمكن اشوف شجره شكلها بعد يديد ولا ثمارها اول مره اشوفها

طبعا هالشي ما اسويه غير الفجر ولا العصر لأنه الجو يكون هادي

المهم بخليكم ويا الصور

هاي أول مره اشوف خلية بهالشكل امممممم ماعرف من كان يايبنها بس كانت فاضيه

اللهم ريحتها ريحة عسل =(

اما هاي الصوره صورتها قبل لا أروح الكليه

كان خاطري اصور أكثر بس ماصورت

و هاي الخليه الموجوده في بيتنا

رحت أدورها هههه

احين يبت لكم مواقع فيها معلومات مفيده عن النحل

موقع للإعجاز العلمي هنيه

واللي يبا معلومات زياده يحب يتثقف يعني يدخل هنيه

امممممم احب اعرف وايد عن الحشرات دايما اقعد افكر يعني جسمنا نحن أو حتى الحيوانات يعني مثل النمر الفهد و هذيل يعني

بنقدر نستوعب وجود كذا جهاز مثل الجهاز الهضمي و التنفسي و وووو إلى آخره

لكن فالحشره !! فيها نفسنا أجهزه نفس اللي فينا يمكن الشكل يختلف

لكن المسميات نفسها

يعني ماعرف إذا انتوا فهمتوا قصدي ولا لا

بس اممممممم

سبحان الله الخالق المبدع ^^

في خاطري سؤال كم مره صرتوا ضحايا للنحل ؟؟يمكن تقولون مايخصه

بس للعلم لدغة النحله مفيده للجسم

الله أعلم من هالشي

بس أذكر يوم كنت صغيره يعني عمري كان ९ سنوات جيه

نظري صار ينقص وااايد ف حد وصف للوالده انه تكحلني بعسل

و طبعا الوالده ما قصرت و عمي ماقصر كان ايييب من احسن انواع العسل و اييب العسل بالخليه مالته

و انا اشرب العسل و آكل الخليه مستمتعه بالوضع هههههههه

بس ماعرف هالشي صح ولا لا اللي يعرف شي عن انه الواحد يتكحل بعسل يخبرنا

اللي عنده معلومات يديده يخبرنا ^^

و بس و شكرا =)

هناك 19 تعليقًا:

... سعد الحربي ... يقول...

ما شاء الله تبارك الله

موضوع جداً رائع يفتح النفس.

الله يوفقكِ أختي.

daloo3a يقول...

سعد الحربي
^^
و يوفقك ان شاء الله =)

Heart Moon يقول...

خخخ ما فهمت المسميات ..

ما عندي علم في هالشي والعسل له فوايد واايد بس هالشي ما اعرفه ..

والصور حلوات ومميزات تسلم ايدج والى الامام

daloo3a يقول...

Heart moon
هيه هو له فوايد وايد
بس شووو هن ؟؟!!

الله يسلمك =)

خاتون يقول...

السلام عليكم...

أنا فاهمة قصدج بالنسبة لتركيب جسم الحشرة وفعلا نتعجب وأنا تخصصي بيلوجي فأشاكج نفس الاهتمام *_^

لا ما كنت ضحيت نحلة
بس يقولون انه اللي فيه
ربوا لسعة وحدة تكون له مفيدة
وقد تقضي عليه

والعسل يحتوي على سكريات بسيطة وميزته بسرعة يروح للمخ يعني أحلى شي على الريج يعطي طاقة للمخ والتركيز

والعسل يعتبر قاتل للبكتريا فالإكتحال فيه مفيد للعين الملتهبة والمنهكة

والله أعلم

وشكرا على الصور الخلية الأولى حده اللي بانيها نحل ياباني ههههه
عجيبة تحفة هندسية

والجوري حلو...شنو نوعه فلسطيني محمدي وإلا عراقي؟

وشكرا على البوست الحلو ^_^

أسرار رجل يقول...

الله يعطيج العافية

جميله المعلومات التي قدمتيها لنا
وخاصه تكحيل العين

دمت بحب
وحفظ من الله

AM.SA.CHANNEL يقول...

الصراحة شكل الخلية وااايد غريب أنا بعد أول مرة أشوووف جي خلية، و ياسلام عندكم خلية ثانية، و عن التقريص أنا تقرصت، لكن ما أقدر أنسى هالقرصة من زمان كنا مسافرين و تخيلي كنت أحج ريوولي و ما أدري إنه هاللي أحجه النحلة، و تعرفين هالنحل المربربات المشعرات جذي تخيلي و أنا أحج جان تقرصني صرخت صرخة هههههه،،، بس لو تشوووفين شقى تنفخت ريلي اليوم الثاني زياااغ .. طلعت حرته هالنحلة فيني

بو سعد يقول...

صورة الوردة الوردية روووعه و النحلتين فيها ..

ليتج طلعتي الوردة كاملة .. و ليتج وخرتي توقيعج على جنب عشان ما يغطيها ..

استمري و بالتوفيق :)

Casper يقول...

من زمان أوي تعرضت لقرصة نحل
بس وجعتني اوي ههههههه

يلا الحمد لله على كل شئ
بالمناسبة الصور شكلها جميل
_______

خالص تقديري لفكرك وقلمك
بالتوفيق دائما

تقبلي مروري

Casper

الغاردينيا يقول...

صلى الله عللا محمد صلي الله عليه وسلم
وانتي الان صلي عليه ؟ ههههه عشان اخذ حسنات منك ههههه مواااااح

بوست جميل وما شااء الله انتي شجاعه اذن
انا لو مثلك ما اقرب من خليه النحل خالص واذا قربت اقرب ونا مغطايه كليا ههههه الله يحفظك ويحميك

على فكره انا برضه ساعات افكر انه سبحان الله الطفل الصغير فيه نفس الاجهزه اللي بداخلنا بس بحجم اصغر والرضيع اصغر منه ^_^ واقعد اقول معقول الرضيع هذا فيه جهاز هضمي
و عصبي وووو ! سبحانه

مساله التكحل ايوا اخلطي شويه عسل بماء وتكحلي به مفيد للعيون و منظف
ومصفي للعيون وبرضه الكحل الأصلي مفيد جدااا

مواااااااااح بوسه كبيره لك
يا عثل انت

الغاردينيا يقول...

اخ نسيت !

صور حلوووووه بجد ^_^

ارق تحيااااات

daloo3a يقول...

خاتون :
و عليكم السلاام ورحمة الله وبركاته

العفوو

الصراحه ماعرف شو نوعه خخخ زين من اعرف انه ورد هع

و شكرا =)

daloo3a يقول...

أسرار رجل :

الله يعافيك و يسلمك

و شكرا ^^

daloo3a يقول...

AM.SA.CHANNEL
هههههههههه على الاقل انتي احسن عني ما شفتيها

انا شفتها في ايدي و سويت إلها طاف لين ما قرصتني :(

و شكرا ^^

daloo3a يقول...

بوسعد :

شكرا

و ان شاء الله بتوصلك الصوره الأصليه ^^

daloo3a يقول...

casper
هههههه ما تشوف شر عشان من زمااان أوي D:

العفوو



و شكرا =)

daloo3a يقول...

الغاردينيا

عليه الصلااة و السلاام ^^

هههه عادي ليش تخافين مايخوف و اصلاا هن مايسون شي إلا إذا انتي سويتي لهن شي

سبحان الله الخالق ^^

و شكرا ^^

وليف القلب يقول...

قبل كل شششي (( صلى الله عليه وسلم ))

وبعدين تصويرك والله حلو .. خطيره هالورده لونها مره حلو
وبصراحه خلية النحل شكل عجيب

موضوعك مره أعجبني وسوالفك حلوه ^_^

تقبلي ودي وردي

محمد سعد القويري يقول...

الأخت الفاضلة :: daloo3a ::
صباحك ورد وحب وطاعة
ومبروك عليكم المطر
وبالعكس ما أشوفك فاضية
إنت إنسانة منجزة
وشكرا على الصور وعالم النحل
عالم يستحق التأمل
تحياتي