سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2011-06-21

اليوم المفتوح و حفل التخرج

السلاام عليكم ورحمة الله وبركاته

شحالكم ؟؟ و شو أخباركم ؟؟

و اخباركم ويا الجو الحلووو ؟؟

اليوم بخبركم سالفة اليوم المفتوح اللي صار عندنا

كان خاص في بنات الديزاين " سنة أولى "

و هذا الإعلاان اللي سووه فالكليه <<< معنقش !!


و امممم كنا يايبين أكل بعد صورت بس هذا


و هاي كانت طاولتي و كيف كنت مرتبها
الملف الكبير نحط فيه كل المشاريع اللي نسويهن
و الملف الصغير بعد نحط كل المشاريع و أوراق العمل
و اللاب توب كنت اعرض فيه تصاميمي على الفوتوشوب
طبعا المس مالتنا قالت لنا انه في احتمال يطلبون مشاريعكم و تصاميمك فلازم تييبون نسخ من شغلكم
وحده طلبت مني رسمة كنت راسمتها و حطيتها لكم هنيه اضغط هنا <<< ماعرف شو حبت منها ؟؟
و وحده ثانيه حبت تصميم عن التدخين كنت مسوتنه من قبل بس ما حطيته هنيه
هذا بتكون سالفته سالفه بنحطه عقب ^^
طبعا اليوم المفتوح كان بيخلص الساعه عشر و كنت واعده حرمة اخوي اني اروح حفل بنتها
لأنه في نفس اليوم بنت اخوي كان عندهم حفل تخرج و قلت لهم اني بروح
فهم خلوا الدريول يظهر من البيت قبل لا يخلص اليوم المفتوح بنص ساعه
و يوم شفت تلفوني اختي متصله و الدريول متصل و رسايل وااايد
و ساعتها انا شو كنت اسوي كان شي مس تكلمنا عن الصيف
انه في مكان في دبي على ما اعتقد للمواطنين
انه يعرضون فيه اشغالهم و مواهبهم
فهيه قاعده تكلمنا و انا اتفلسف عليها
و بعدين يوم شفت التلفون رحت رررررررركض لين السياره هههه
اممم و حضرت حفل بنت اخوي و رجعت البيت
بس حرام ما قعدت ويا البنات لأنه هذاك اليوم كان آخر يوم يجمعني فيهن
يلاا ان شاء الله خير
وووبس =)

هناك 13 تعليقًا:

... سعد الحربي ... يقول...

ما شاء الله تبارك الله

ألف

ألف

مبروكِ أختي

والله يوفقكِ في كل حياتكِ.

~أم حرّوبي~ يقول...

ههههه اغراضج وملف المشاريع ذكرني باغراضي مالوت الدزاين ^^

حلو شغل ادزاين والله ممتع سواء رسم ولا مجسمات ..تستمتعين رغم انه يحطم الاعصاب احيانا ..بس رسمتج جنها شرات الفن التشكيلي ...ذكرتني بثاني اساينمنت حطيته مره بالمدونة بس انتوا بالالوان نحن بالرصاص

يللا خيرها بغيرها بعده جدامج كم سنة وتسولفين مع ربيعاتج ^^

daloo3a يقول...

سعد

الله يبارك في حياتك ^^

و يوفقك وياي =)

daloo3a يقول...

أم حروبي

هيه والله عباله الشي بس حلو

و الله اي كم سنه إلا باقي لي فصل واحد دراسه و فصل تدريب و خلااص =(

و نص البنات طلعوهن من الكليه :(

كريمة سندي يقول...

ألف مبروك التخرج والله يوفقك أنت وصديقاتك تحياتي

Heart Moon يقول...

.
.
.
وعليكم السلام ورحمة الله وبركاته

افاا ما عزمتوا ههه

بالتوفيج ومبارك التخرج .. وان شاء الله تتلاقون في هالحياة .. الدنيا صغيرة ^__^

وحلوة الرسمة عيبتني واللحن واايد حلو ..

وبانتظار تصميم التدخين ^__^

هنا حيث لاشئ الا أنا يقول...

الله يوفقك خيتو


ومبروك التخرج

وبجد عشت جوك خطيره يابنت

شغلك كثير حلو ..

منتظرين حق التدخين

موفقه بإذن الله =)

عفوك ربي .. يقول...

وعليكم السلام ورحمة الله وبركاته

ماشاء الله ..

الاعلان روعة .. مب منعقش ولاشياته ..
الف مبروك الغالية وعقبال التخرج ..
بالتوفيق ..

هنا حيث لاشئ الا أنا يقول...

مبرووك ع التخرج ومره
رسماتك تجنن مبدعه ماشاء الله عليك
الله يوفقك دنيا واخره..
نجود

كاتب الأنثى يقول...

ماشاءالله

الف مبروك

اجتمعتو على خير و تفارقتو على خير

اسعدك الباري
:
عبدالله

~أم حرّوبي~ يقول...

صج باقيلج سنة ما كنت ادري عبالي شراتي

يللا موفقه وتتخرجين بامتياز ^^

memo يقول...

مررررة حلوة
وخاصة الصور..هههههه
شكرا

رورو الشخبوطه يقول...

ومبروك ..

والفال لج تتخرجين :)