سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2011-09-03

غرفة الأب و الطفل !!!!

السلاام عليكم ورحمة الله وبركاته

شحالكم ؟؟ ووو شووو أخباركم ؟؟

و كييف العيد وياااكم !!!

بخبركم سالفه

مره كنت رايحه دبي قبل العيد ... و كنت رايحه المول

و انا أمشي طبعا كنا انا و اختي ندور المسجد و فاللوح اللي فوق

اللي تنحط على كل طابق حاطيين غرفة الأم و الطفل قلنا ما عليه

بس يوم شفت غرفة الأب و الطفل !!!! استغربت يعني من متى الرجاجيل يهتمون لهالشي ؟؟

المهم رحت عن هالغرفة و قلت إلا اشوف شو فيها خخخخخ

رحت و انا خايفه اني ألقى أب هو و طفله !!!!

بس فتحت الباب ع السرييع و سكرته شفت شي عجيب غريب

و بعدين قلت خلني بصور الأسم ... و انا كنت اصوره اشوف شباب يايين من بعديييد

عاد استحيت بعد اصور لكم من داخل كيف ههههه



هناك 15 تعليقًا:

المتفأله يقول...

صراحه كل شي عجيب في دبي ^-^
يالله مره ثانيه تروحين لازم تصورينها

... سعد الحربي ... يقول...

وليش لا

فيه آباء يعتنون بأطفالهم لأي عذر يطرأ للأم يعني عند عدم وجود الأم

لكن الأصل هو أن الأم هي من تعتني بالطفل أكثر من الأب وتكون قريبة جداً منه.

أشكركِ أختي على مثل هذه المواضيع المميزة.

daloo3a يقول...

المتفأله

هيه والله ... ان شاء الله لا توصيين هههه

daloo3a يقول...

سعد

يمكن صح

بس في هالزمن لو الأب كان رايحه ويا ولده المول ولا اي مكان لازم خدااامه

كله احيين خدم

أسرار رجل يقول...

كل عام وانت بخير

ليش يعني حرام على ألب يكون له غرفة

يلا هذا تراه برستيج

يوم تكون الأم مشغلوة بشوبنك وماعندها وقت لتغير البامبرز ؛-)

تكون الغرفة جاهزة

دمت بحب
وحفظ من الله

غير معرف يقول...

والله فكرة حلوة

ولو ان الحين نادر الاب يطلع مع ولده اذا كان بعمر صغير حيل يا تكون معاه الام او خدامة

شكرا ^_^

آلاء يقول...

ههههههـ باين من البوست انك اخترعتي ض1
جميل فكرة جيدة حبيتها كثير <3
وكل عام وانتِ بخير يَ سكر <3

لآنٌنآ نٌجُيْڊّ [ آلصٌمْتُ ] حُمٌلۈنٌآ ۈزْرٌ [ آلنّۈآيًآ ] ! يقول...

فعلا شي غريب

وانا مع المفاله كلام سليم

يعطيك العافيه

الهناف محمد آل هجرالمزروعي يقول...

ليش تظلموووون الابااااء والله احيان الاب يستوي ام وابو فنفس الوقت الام لاهيه عن بيتها وعيالها




لا تحطووون على الريااااايييل

خخخخخخخخخخخ


بس حلوه منج ومن دبي
بالتوفيق

Now or Never يقول...

فكرة مميزة


شكرا على البوست

Made n Q8 يقول...

هذي الغرفه الله يسلمج مسوينها عشان اذا الام انزعجت من ريلها والياهل تحذفهم بهالغرفه وتفتك من حنتهم اثنينهم

يعطييج العافية

أسماء الغيلاني يقول...

دلوعه ..
صبآح الأبوه ^*

الصراحه عنوان الغرفه مميز ..
بس فيه اباء كتير يهتموا باطفآلهم بالاتفاق بينم وبين الامهات من باب التعاون ..

المره الجايه صوري لنا من جواا كمان ^*

استمري ياعسل

daloo3a يقول...

كل كم غلط

بس made n Q
صح
اقتنعت بإجابتج

و ان شاء الله إذا رحت دبي مره ثانيه و شفت بحاول ادخل و اصور بس يا خوفي ألقي ريال ويا عياله ههههه ان شاء الله خيير

محمد سعد القويري يقول...

الأخت الفاضلة :: daloo3a ::
أسعد الله أوقاتك بكل خير
مرحبا بك
من خلال السالفة
اكتشفت إن عندك حب استطلاع ،،)
أطيب الأمنيات

Heart Moon يقول...

شو هو الشي العجيب هههه

هي لاحظت هالشي لانه احيان يكون الطفل مع ابوه ويبغي يبدله عسب جيه سوو هالخدمة

^__^