سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2011-09-08

و نبدأ عام جديد

السلاام عليكم ورحمة الله و بركاته

شحالكم ؟؟

و شوووو أخباركم ؟؟


طبعا هذا الأسبوع كان أول اسبوع دوام من هالسنه

و هذي آخرسنه لي فالكليه


طبعا دايما يكون أول اسبوع متعب نوعا ما

و أكثر شي أول يوم

بس الغريب انه أول يوم كان نشاط زايد فيني بشكل مب طبيعي ماعرف ليش !!!

ثاني يوم كان عادي ثالث يوم كان جدا متعب رابع يوم رجعت البيت من وقت قبل لا يخلص الدوام

و خامس يوم إجازه

و لله الحمد اللي يدرسوني كلهم أساتذه أوكي

قبل كنت واايد متخوفه من الاستاذ اللي راح يدرسني ديزاين لأني ما كنت احبه و انقال عنه كلاام وايد بس الحمدلله ما يدرسنيHappy Dance

و المس اللي تدرسني ديزاين يعني هيه زينه و اسلوبها حلو و كل شي زين لكن مشكلتها انها ما تضغط علينا ولا شي يعني تعطينا البروجكت و تقعد ولا تسأل عنا ولا شي طبعا نحن نستغل الفرصه و نقعد نسولف و عادي

ف في أول يوم دوام قاعده أقول حق وحده من البنات أحين كل الاساتذه اللي يدرسونا طيبين و كل شي فيهم زين في منو بنسوي مقالب ؟؟

السنه اللي طافت كانت شي مس تدرسني ديزاين ياربي كيف كانت تقهرني و ترفع لي ضغطي

و طبعا انا و ربيعاتي نخطط شو نسوي فيها اليوم ؟؟

فمره من المرات سكرنا باب الكلااس و الباب ماينفتح غير بالباسوورد و طبعا لين اي حد و يفتح الباب يباله وقت المهم كان القصد من هالحركه انه نضيع وقت الكلااس لأنه نحن في هذاك الكلااس كنا بنخلص البروجكت اللي علينا و يوم بنقول لها خلصنا بتهزأنا ليش خلصتوا !!! يعني ما نخلص

و مره بعد كانت قاهرتني من الخاطر كنت افكر اسوي فيها شي خطير بس المشكله انا ما اقدر انفذ بروحي لازم البنات وياي خخخخخ و البنات قلبهن طيب قالن لاا و كيف و يمكن يستوي فيها شي قلت لهن انزين يلا عطونا نسوي شي فيها

فقالت وحده نحط علوك " علك أو لبان " فالكرسي مالها قلت لهم اوكي يلاا

رحنا و حطينا فالكرسي علوك طبعا هيه شافته و قالت منو حاط العلوك فالكرسي و العلوك جديد يعني قبل تقريبا ربع ساعه منحط ؟؟

طبعا انا ماسكه اللاب ولا حاطه شي في بالي و البنات يسألوني انتي مب خايفه اقولهم ليش انا شو سويت عشان اخاف قالوا العلوك قلت هييه والله تذكرت طااف خلها تتأدب هالمس

طبعا هيه ما قعدت عليه و عقب قامت من الكرسي و بعدين شكلها نست و قعدت عليه هههههه و طبع العلوك في ملاابسها و يوم شفته حسيت صدق ارتحت ههههههه

بعد مره كنا لاعبين بالواير مال الكمبيوتر مالها بحيث انه إذا شافته يكون عادي لكن في نفس الوقت الكمبيوتر ما يفتح

طبعا عاد هيه احتشرت الكمبيوتر ما يفتح

فراحت تجييب واحد يفهم في هالشغلاات رحنا نحن عدلنا الكمبيوتر خخخخخ فالريال شغل الكمبيوتر و اشتغل عاد هيه استغربت

ولا غير جيه نلعب بالساعه عشان نطلع من وقت و هذا من غير الاستهبال اللي نستهبل كل يوم فيها

الصراحه هالسنه بفتقد هالمقالب كلها في منو راح اسويها !!!

يلاا بروح ادرس

Glasses

هناك 13 تعليقًا:

Katkoota xD يقول...

اول شي ان شاء الله تكون سنة دراسية حلوة و خفيفة عليج

و موفقة فييها يا رب

ثاني شي : انتي حددددددددددج مبدعة بالمقالب خخخ
ما توقعت احد عنده جرأة يسوي هالمقالب بالصج
ضحكتييني و انا اتخيل شكل الابلات خخخ

داام المدرسيين كلهم تمام هالسنة شوفي وحده من الطالبات زاعجتج سوي فيها مقالب خخ

daloo3a يقول...

اول شي ان شاء الله تكون هالسنه حلوه ^^

و الله يوفقج ان شاء الله وياي

هههههه المشكله كل البنات مزعجات و كلنا نسوي مقالب يعني الموضوع يباله شوي

و شكرا ^^

Unknown يقول...

مقالـب جنونية قوية
لم أقم بها من أيام الدراسة المدرسية
أود القيـام بها .. لكن يفكينا ما قبنا به قديما

وفقك الله في آخر أعوامك
وجعله بداية عـام سعيد عليـك

غير معرف يقول...

ههههههههههه طلعتي مو هينة راعية مقالب


انا نادر اسوي مقالب بالمدرسين والدكاترة :/

الله يوفقج يارب وتكون سنة حلوة وخفيفة عليج :)

المتفأله يقول...

ما شاء الله عليج طلعتي مش هينه ^^
باجر ان شاء الله لا تخبرين عيالج عن سوالفج بيروحون يطبقونها وكل يوم استدعاء ولية الامر
موفقه ان شاء وتمر هذي السنه على خير وتتخرجين بامتياز

daloo3a يقول...

آس : ههههه .. و الله يوفقج وياي ^^

هديل : ههههه والله من القهر اللي فيني اسوي ولا انا بريئة حليلي هههه .. ان شاء الله الله يسمع منج

المتفائلة : لالالا لازم اخبرهم عشان يستفيدوون من خبراتي و مهاراتي هههههههه


شكرا للكل ^^

sheeshany يقول...

بداية النهاية! لتبدأ بداية جديدة بعدها :)

استمتعي بآخر سنة، فهي لا تعوّض ...

محمد سعد القويري يقول...

الأخت الفاضلة :: daloo3a ::
أسعد الله أوقاتك بكل خير
وبداية سنة جديدة وسعيدة
وعقبال التخرج إن شاء الله
والحمد لله إن كل مدرسينك زينين ،،)

~أم حرّوبي~ يقول...

هههههههههه حبيت سالفة وايرات الكمبيوتر اسميييكم أشراااار خخخ

يالله اخر سنة...ان شالله تتخرجين بامتياز وعقباااااااااالي ياااارب

كله عبالي انت قدي :\

وي وي داومتتوا قبلنا خخخ نحن هالاحد دوامنا :)

HάķöØnã✿რätatã يقول...

هههههههههههههههه
جيه السآلفة يعني..!!!!
~_~
مآقصرتي فيهم أبدًا

يللآ شدي حيـلج نبآ نفرح فيــــج
إن شآآآءالله تتخرجيـن بإمتيآآآز وو أهم شي الحفـــلة هع

ربي يوفقج وييسر أمووورج
ويكتبلج الخيــر في كل خطووووة
.^_^.

~ بسج لعب وللآ ترآني بخبّر ~_~" خخخ

خاتون يقول...

السلام عليكم...
ف في أول يوم دوام قاعده أقول حق وحده من البنات أحين كل الاساتذه اللي يدرسونا طيبين و كل شي فيهم زين في منو بنسوي مقالب ؟؟

ههههههههههه ذكرتيني بسوالفي خخخخ بس ما أسوي باللي يدرسوني مقالب بس برفيجاتي هههه

إن شاء الله بس ما أدرس طالبات مشاغبات مثلكم هههههههههه
بس أنا طيبة ما أظن أحد شرير بيسوي فيني جذي خخخخخخخخ
أنتوا ثانوي والا خلصتوا؟؟؟

من جد ضحكتيني ياحلو سوالفج *_^
موفقة ^_*

iCoNzZz يقول...

أتمنالج التوفيج من كل قلبي :)

ولاء يقول...

السلام عليكم

كل عام وانت بخير حبوبه

وعام دراسي مفوق يارب ......

والله يعين استاذاتكم على مقالبكم

وتبقى ايام الدراسة ذكرى حلوه بكل ما فيها :)