سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2011-09-15

نمله

السلااااام عليكم ورحمة الله وبركاته
شحالكم ؟؟

الموضوع خطيير صدق والله

قبل فتره حطيت لكم موضوع عن النمل اللي حاب يشوفه يضغط هنيه

هالحشره لعوزتني و عذبتني ماعرف كيف

بخبركم سالفه

مره انجرحت في صبعي و كنت رايحه اغسل الدم فطاحت كذا قطرة دم ع الأرض

المهم

و انا اغسل كنت قاعده افكر و اقول ياربي احين بقعد انظف الدم هذا و شفت سمسومه " نمله "

تدور حول قطرة الدم هاي و ادور و ادور قلت خلني اشوفها شو بتسوي

القطره كانت على شكل دائره و فجأه السمسومه تقربت منها و صار في جزء مفقوود في الدائر صغيروون يعني

نفس ماعرف المهم يعني هيه شربت الدم و انط من مكان خخخ

خفت على عمري شربت دم باجر تآكلني بعد

و ما خليت حد فالبيت غير خبرته السالفه استغربت الصراحه

بعد مره كنت امشي فالحوش فشفت ريشه تتحرك استغربت يعني مافي شي يحركها لا هوا ولا شي

يوم نزلت راسي لقيت سمسومه شالتها وياها قلت حتى الريش ؟؟

و نفس الشي اليوم الصبح كانت ريشه بعد و سماسييم وايد متجمعين حول هالريشه

فقلت بخلص شغلي و بصورها لكم بس للأسف يوم رجعت ما لقييت أي اثر لا الريشه ولا حتى السماسيم

والله شي غريب

على قولت اختي هاكونا على كثر ما يآكلن مايكبرن

صدق صدق سبحان الله

هناك 18 تعليقًا:

محمد سعد القويري يقول...

الأخت الفاضلة :: daloo3a ::
تحية طيبة مطيبة
هذا الخلق العجيب
كم من كتاب وبرامج تحدثت عنها
بس أول مرة أسمع إنهم يشربون الدم
هذي عجييييبة ،،)
دمت بخير

daloo3a يقول...

محمد:
ترا هذا الشي اللي صدمني يعني
بس سبحان الله
كل شي جااايز بعد

و شكرا ^^

iCoNzZz يقول...

سلامات ما تشوفين شر

daloo3a يقول...

الله يسلمج من الشر ^^
تسلميين

~أم حرّوبي~ يقول...

لاحظت عليهم مافي شي يكون على الارض الا وشالوه ..حتى الحشرات ..مرات تكون ذبابه ميته يشيلونها ...اي شي وسمعت بعد انهم ياكلون الحشرات ...على شو يتغذون الله اعلم

سبحان الله ..,ولله في خلقه شؤون

دمت طيبة ~ٍ

Jamila يقول...

dalo.oo.3atuae

سبحان الله هالمخلوق فيه اعجاز عظيييم !

لو البشر يتعلمو منه التعاون والنظام ..

كان أبدعو في كل حياتهم !!

بوستر جميل :)

daloo3a يقول...

أم حروبي

آخر شي بيآكلون الناس
والله يعني سبحان الله
صدق و لله في خلقه شؤون

daloo3a يقول...

Jamila
هيه والله لو الانسان يتعلم
من النمل و النحل بعد

GreeN•OrαnGe يقول...

سبحآن الله

أنآ بعد مره شفت نملة شآله شعره ..!!


أبآ أعرف بالضبط شو بتسويبهآ بس ماعرفت ..؟؟!!


عندي كذا فيديو للنمل ^^


تسلمين خيتو~

... سعد الحربي ... يقول...

ولله في خلقه شؤون

موضوع جميل جداً

أحييكِ على مثل هذا التميز

موفقة أختي

Made n Q8 يقول...

انا اذا شفت نمله شايله شي اكبر منها اتعذب ودي اقولها وين رايحه عطيني انا اشيله عنج

سبحان الي خالقهم

Roze يقول...

لم استطع ان لا ابتسم طول وقت قراءتي !
سبحان الله
مخلوقات صغيرة عجيبة ،

أحببت موضوعك جدا :)
وسأكون من متابعينك

تقبلي مروري

روز

سفيرة المحبه يقول...

السلام عليكم

ما تشوفين شر دلوعه

بس اول مره اعرف انهم يشربون دم!!!!

تسلمين على المعلومات القيمه

تحيااتي ^_^

لآنٌنآ نٌجُيْڊّ [ آلصٌمْتُ ] حُمٌلۈنٌآ ۈزْرٌ [ آلنّۈآيًآ ] ! يقول...

سبحان الله ربي كيف خلق هذي الحشرة

حقائق غريبه

على قدر صغر حجمها نتفاجئ من ماتفعل

سبحان الخالق


يعطيك العافيه اختي الغاليه

فرصة للتفكر في مخلوقات الله


دمت بصحه وسلامه

رورو الشخبوطه يقول...

يما تمص الدم :\

وسلامتج ..

رورو الشخبوطه يقول...

يما تمص الدم :\

وسلامتج ..

Heart Moon يقول...

سبحان الله .. واايد امور تخص النمل نستفيد منها فالحياة ..
بس اول مرة اعرف انها تشرب الدم ..
يمكن لانه دمج عسل هههه
اسولف ..

عساج ع القوة والى الامام

جموح المـعاني يقول...

وجهة نظر :
دخلت لمدونتك مجرد فضول مثلي مثل البقيه ولم اجد بها شيء يميزها بداية من الاسم المستعار وحتى المواضيع التي تطرح .. عموما انا لا اقلل من قيمة كتاباتك ابد ولكن محزن ان تجدي فرصة يراها الجميع بسهولة ولا تريها انتي الى الان ... كوني بخير مررت من هنا