السلاام عليكم ورحمة الله وبركاته
شحااااااااااااالكم ؟؟
احس من زمااان وايد ما دخلت و حطييت موضوع
بس كنت ادخل مدوناااتكم و اشوفها من فتره لفتره
المهم
اليوم يبت لكم عن مشرووع نسويه من أول السنه للحين ما خلص
المشروع هو عن إعادة تصنيع النفايات أو الأشياء القديمه
طبعا كل مجموعه اختارت لها شي و سوته
اما نحن مجموعتنا اخترنا كذا شي من كثر ما نحن فاضين في كلااس الديزاين
يعني تخيلوا ثلااث ولا اربع ساعات نحن فاضين عاد ندور لنا شغله نسويها
المهم
فخذيت الأفكار من مدونة ديزاينر ادخلوها هنيه
و سوينا وحده لوحه فنيه و ثانيه ليت
هذي اللوحه بالسي دي سويناها بس احين ابا ىخذ رايكم فالموضوع
شفتوا الفراغ نحن كنا نفكر انه نلونه بألوان مائية
و فيه دائرتين نحط فيهم سي دي بس ما يكون مكسر كامل عادي
بس اختي قالت لي حطوا السي دي الكامل في الدائرتين
و في الفراغ الباقي استخدموا خامه ثانيه مثل الجرايد أو شي مثل جيه
انتوا شو رايكم ؟؟
هل نستخدم الألوان أو الجرايد ؟؟
او عندكم راي ثاني ؟؟
و هذا الليت اللي سوينااه بس بعده ما اكتمل
و باجر ان شاء الله بنشتغل على شي ثاني
ادعوا لنا بالتوفيق ^^
هناك 11 تعليقًا:
موضوع متميز
فعلاً العمل رائع جداً واستمروا فيه فقد راقني كثيراً وابتكروا أفكاراً جديدة.
وموفقة أختي دوم.
ما شاء الله , تبارك الله
اهنيج بصراحة على هذا الابداع
اللوحة الاولى اقترح انكم تعيدون ترتيب القطع وتخلونا كشكل معين مثلاً نصف وجه حرمة تكون على جنب وبعدين تلونون الفراغات او تضيفون عليها خامة سادة غير ملونة علشان تبرز قطع السي دي الملونة , او خيل
واذا ما قدرتو ترتبونهم كسرو القطع زيادة خلو الاحجام غير متساوية وحاولو ترتيبها
بس يبيلها وقت وصبر على ما ترتبونها
والصورة الثانية وايد حلوة
والله يوفجكم ^^
الغالية شو رايج بالزجاج ..
تخفين فيه الفراغات ..
تكسرينهم صغار صغار وتلزقينهم بالصمغ الابيض ..
أو علب البيبسي والسفن أب .. المشروبات الغازية ككل .. تقطعينهم وتبرزين الوجه الداخلي وتحرقينهم شوي بالنار .. يعني مب وايد لين ماياخذون اللون الذهبي .. وتحطينم بالفراغ ..
وربي يوفقج يارب .. :)
هلا ^^
دائماً ادخل وانتي ما شاء الله مختفيه
صراحه ما اعرف في الديزاينر بس احس اذا لونتوها بألوان بتكون واضحه الصوره
والمجسم الثاني حلو بعد
والله يوفقج
و الله انكم رهيبين
مشكورين
حبيت اللوحة ...على سالفة شلون تكملينها احس حلو انج تحطين سيدي مكسور لكن من الجهة الثانيه اللي تكون مثل المرايه هذا بيعطي احساس الماي ..ومكان الدائرتين تحطين سيدي كامل بس يكون عليه لون ساده مو مطبوع عليه :)
وحابه اشوف صورة لليت وهو ضاوي اذا تقدرين :)
ماشاء الله
عمل رائع وخاصه استغالكم وقت فراغكم
بشيء مفيد
بالنسبة للأعمال رأيي من رأي ديزانير
ومتشوقه جدا لأعمالكم القآدمه
موفقه اختي ..
ماشاالله وايد حلوين :)
حرام عليك .
خافي الله في نفسك ييسر أمورك
وابعدي عن الحرام في كل أمورك
وعليكم السلام ورحمة الله وبركاته
معذورة عزيزتي ع غيابج .. ^_^
المشروع واايد حلو وزين ولكن انا ممم احيانا اقول شو الفايدة منهن اذا صج بتمن تحف فنية مب مجرد مشروع وبعدها ينفر جيه ما سوينا شي لان الغالبية يسوون جيه بعد ما يخلصون العرض يفرونه ..
بخصوص الفراغات احس الجرايد اوك لانه الهدف فيه المشروع على ما اعتقد هو استخدام المواد المستخدمة واللي اصبح مالها نفع احس الجرايد تكو مكلمه للمشروع ..
الله يوفقج لما يحب ويرضى .. آمين
حلوه وايد فكرة المشروع
عيبتني :)
شكلي مش بس انا اللي اختفي وارد
شكلها حاله امه *_*
إرسال تعليق