سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2014-05-05

تمرد الماضي


السلام عليكم ورحمة الله وبركاته 
شحااااااااالكم ؟؟ 
من متى أبا أكتب لكم لكن امتحانات و امتحانات و امتحانات و مشاريع و واجبات 
و أحين المدرسه محد فقلت خلي أكتب لكم و لو انه بعد ساعتين عندي امتحان مب دارسته ههههه 
المهم 
هذي الصوره رسمه رسمتها أمس في المحاضره من الملل الشدييد العجييب اللي فالمحاضره 
المهم هذا إنتاج الملل ههههههه 

بكمل لكم قصة تمرد ذاكرتي<<< قصه ولا قصص 
اللي يبا يقرأ موضوع تمرد ذاكرتي هنيه

أحين بخبرك عن واااايد أمور كل يوم اتذكرها 
و أحاول اني ما أنساها 
قبل كل شي في معرض أبوظبي للكتاب
خذت كتاب أسمه يوميات مشاغب 
قريت منه آخر قصه بس هههههههه قلت الحمدلله في حد متمرد نفسيanimated-frightened-smiley-image-0024

ياربي أحس كلللل شي يحوط في مخي أحين 
السوالف مسويه زحمه في نفوخي 
حتى في سالفة تبا تشرد لكن بكتبها أول وحده أدب حقها هههههه 
animated-frightened-smiley-image-0028

سالفة حواجبي >>> الرعب
حواجبي و أنا صغيره كان لونهن أشقر ما ادري اصفر ولا يمكن ذهبي 
المهم انتوا فاهمين التعبير ههههههه 
فكانوا خواني اللي الله يسامحهم يقولون لي يوم بتكبرين ما بيكون فيج حواجب animated-frightened-smiley-image-0002
طبعاً انا كنت أصيح و أصيح و هم يضحكون علي animated-frightened-smiley-image-0031

بعد يوم كنت صغيره كان عندي ألتهاب في ضرسي 
طبعاً هذيج الفتره كانوا يبيعون حلاوه على شكل ضروس 
و أنا كنت آكل منها عشان ضروسي يكونن أقوى 
و أذكر أبوي موديني المستشفى و كان الصببببح و أنا شاله الحلاوه وياي 
و أقول حق أبوي : أبوي شوف هالحلاوه زينه حق الضروس كل منها ههههههه 
أبوي قالي : هي زين زين .. عقب بآخذ منها <<< يسلك لي animated-feeling-smiley-image-0028
ولا شالتنها عشان أقول للدكتور إني أنا آكل هالحلاوه عشان ضروسي يكونن قويات animated-feeling-smiley-image-0062

بعد يوم كنت صف أول 
طحت في المدرسه << أرتحم والله 
و انكسرت إيدي animated-sad-smiley-image-0045
ترا إيدي صح انكسرت بس مب لأني مشاغبه لا لأني شطوره ماشاء الله عليه ههه 

وايد مواقف صارت لي يوم انكسرت إيدي 
أول شي في الصف انا الصراحه ما كنت أحس بألم بس كنت أصيح 
لأنه شكل إيدي تغير animated-sad-smiley-image-0041
ولا بعد كان توزيع الشهادات >> و كانوا حاطين لي 1 إني غبت يوم واحد 
و أنا اتحرى إني طلعت الأولى >>> عايشه في أحلامي ههههههههه
و الأبلة كانت ماسكه إيدي و عيال الأبلة كانوا راحميني << كانوا كله يطفرون فيني 
ثاني شي في عيادة المدرسه 
فالعياده الممرضه حطت لي شي و لفت إيدي و قالت إيدها مكسوره و دووها المستشفى 
كانت تقول لأخوي ... بس الأروع ردة فعل أخوي 
قالي " بردت الدودة " 
لا بعدها مابردت animated-feeling-smiley-image-0081

ثالث شي فالمستشفى ههههههه 
الدكتور يبا يفحصني و انا مابا و يبا يرفع ايدي و انا منزلتها وفجأه استويت كأني حطبه ههههههه 
متصلبه 
 و أذكر كيف كانت أمايه خايفه علي و أبوي نفس الشي 
و يوم دخلوني غرفة العمليات 
أنا خفت من شكل الغرفه و كنت بصيح خلااص ها ها كانت بتطلع الصيحه
ها نزلت الدمعه خلااص و صحت << مع نفسي

فقالي الدكتور لو صحتي بنعطيج إبرتين 
طبعا انا -_-" << هذا شكلي 
قلت له ما أخاف من الأبره >>> يعني على أساس إنك تخوفني يا بعدك والله 

بعد ما طلعت من غرفة العمليات ياخي أذكر دخلوني الفير يوم قمت من بعد التخدير كان فليل animated-frightened-smiley-image-0019
كيف نمت هالوقته كله 
تميت فتره فالمستشفى و بعدين طلعت 

فالبيت كانت المعاناه 
كانوا يخلوني أشرب عصير طماط ليه بس ليه 
لكن أنا كنت أقول حق سالم أخوي سالم ساعدني هههههه أشرب وياي عشان يخلص 
و كنا نشرب شوي و الباقي فالزباله 
و كانوا يخلوني آكل عدس يا الله ياربي 
ما كنت أحبه بس أحين أحبه هههههههه
و ما كانوا يخلوني ألعب وايد 
أذكر سالم كان مستغل ضعفي animated-sad-smiley-image-0006
كان يشل ألعابي و لو أمايه شافتني أركض وراه و أضاربه 
يا سواد ليلي المتليللي << شو يعني ما أعرف بس يعني اللي هو 

و بعد الجبس كان يحك واايد و كنت أحك بالقلم و يوم من الأيام و أنا أحك 
دخل القلم داخل الجبس هههههههه
و يوم رحت أغير الجبس طاح القلم 
طبعا أبوي طالعني بنطره قاتله هههههههه لا بس انصدم 
و اللي يغير لي قال عادي ترا كل الناس جيه هع 

سالفه أخيييره و الله في خاطري أكتب أكثر و أكثر و أكثر لكن أحس وايد كلام ههههه 
بس هالسالفه غامضتني 
رحمت شكلي 

كنت أتمنى من أعماااااق قلبي 
إني أركب صاروخ و أروح للمريخ كان بالنسبالي الموضوع
كأنه طياره سهل و بسيط 
فكنت أقول أحلامي لبنت الله يسامحها 
قالت لي الصيف الماضي أنا و أهلي رحنا الفضاء 
و أنا صدقت << جرحت مشاعري الصراحه 
رحت البيت أصيح عند أمايه و أقولها والله ربيعتي راحت 
أنتوا ليش ما تخلونا نروح كله لا لا لا لا لا 
ما أذكر شو النهايه هل هي سعيده ولا حزينه هههههههه 
الحمدلله ما أذكرها ولا كان قلبي بينفطر ><

animated-alien-smiley-image-0014

متى صحن الفضاء بي يشلني عنكم 
حتى من فتره حلمت إني بروح الفضاء و فالحلم كنت بموووت من الفرحه 

و اتمنى إني اكتب عن تمردي في التدوينات الثانيه
و عندي واااايد أشياء أبا أكتبها بس بفضالها يوم من الأيام 

Free Smiley Courtesy of www.millan.net

 

هناك 7 تعليقات:

غير معرف يقول...

وعليكم السلام ...
الحمدالله بخير ...
هههههههههههههه اهم شي رحله الفضاء سيري الفضاء وخاصه المريخ يمدحونه ما فيه امتحانات ههههههه

الجوكر يقول...

والله سوالفك تحمل الكثير من البراءة
وأحلامك بيضاءونقية كنقاء قلبك

اتمنى لكِ التوفيق فى الإمتحانات

HάķöØnã✿რätatã يقول...

ههههههههههههه
تمّرد ظريف يا كيوووت انتي *-*


ع فكرة مايصيّح الشيء >>> اذا كبرتي مابيكون فيج حواجب (:<



حلوة الرسمة ؛ حبييييتهاا *-*
وبالتوفيييييق ف الدراسة إن شاااءالله

غير معرف يقول...

هههههههه
كيفك يا جميل
اولا عجبتنى اوى اوى الصوره اللى رسمتيها بجد لذيذه
وجميل انك تحكى عن ذكريات الماصى خصوصا لو.فيها مواقف طريفه ومضحكه بالشكل ده
ضحكتينى بجد
وفكرتينى بايام طفولتى

بسمة الورد عطر المشاعر يقول...

مساء الهنا عليكى ياقمرايه

بصراحه قضيت وقت ممتع اوى بين احرفك الشقيه وافكارك اللذيذة .. حكايات وذكريات ما اجملها

يدوم الفرح والسعاده على قلبك الجميل

دورة سكرتارية يقول...

ههههههه

روعة

Unknown يقول...


thx

مؤسسه تنظيف