سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2011-06-16

امممم ماعرف شو احط أسم للموضوع

السلاام عليكم ورحمة الله وبركاته

شحالكم ؟؟ و شو أخباركم ؟؟

امممم اليوم بقول لكم كم سالفه عن الظواهر الكونية

خسوف القمر و كسوف الشمس و قوس المطر ^^

أول شي نبدأ بخسوف القمر بما انه امس هالشي صار


اللي يبا يشوف الموضوع يدخل هنيه اضغط هنا

قبل أذكر يوم كنت صغيره قالوا لي انه بيصير خسوف و فرحت وايد احب اشوف نفس هالاشياء

و قعدت سهراااااااااااانه لين ما خلص الخسوف كاااااااااامل

و امس نفس الشي عاد امس كنت توني مخلصه عشى و رايحه بيت اخوي و كان توه بادي الخسوف

قعدنا شوي عقب رحت اشوفه مره ثانيه كان القمر خلااص يعني صاير كأنه هلاال

ف ولد اخوي سألني كيف جيه صار خبرته و قعدت اشرح له

راح داخل قال حق امه كيف يستوي الخسوف قالت له خلي عمتك تخبرك قلت له انا ما قلت لك قبل شوي

قال لا يمكن انتي تقولين غلط << حسيت بعطيه بكس ...

كسوف الشمس

نفس الشي اذكر من زماااااااان واااااايد يعني يوم كنت صغيره

كنت في عمان و قالوا انه بيصير كسوف و قلت يلاا بنشوف شو بيصر

عاد أهلنا الكبار قالوا محد يظهر و اللي يظهر بيصير ما يشوف و اللي ما ادري شو و شو وشو

و عاد انا كان توه نظري بادي ينقص و كل ما يتكلمون يقولون و انتي ما تظهرين برا ولا بتصيرين ما تشوفين و الحاله

و فلاان في ما ادري وين صار مايشوف و سووو له كل عمليات العيون ما فاد وياه شي =(

المهم انا ما ظهرت رقدت الظهر حراااام كان خاطري و معظم خواني يوم شافوا امايه و ابوي راقدين شردوا وراحوا يشوفون

و بعد كمممممممممممممممم سنه نفس الشي كنت في عمان و قالوا انه بيصير كسوف و ضحيت برقاد الظهر و قعدت اتريا و اتريا و اتريا ماصار شي =( بس شفته فالتلفزيون ....

قوس المطر

عاد هاي سويتها بالفوتوشوب

مره كنت رايحه عمان و في الدرب شفته و فرحت وااايد

حتى رحت قعدت فالدبه عشان بس اشوفه و كانت هاي آخر مره شفته

و يوم تسعه و عشرين خمسه من هالسنه

نزل مطر فالعين و كان المطر بااااااارد حلو اممممم

كنت توني طالعه من الكليه و كنا رايحين انييب اختي الصغيره طبعا اول شي يت ريح قويه

حتى الشجر اللي فالشارع طاااح و لوح الاعلاانات طاحت بس الحمدلله ماصار ولا الحادث اهم شي

عقب نزل مطر قوي واااااااااااايد و كان الماي بااااااادر لذيييذ ههه

المهم عاد العصر قريب المغرب كنت ملاانه و اطالع التلفزيون شوي اختي الصغيره تقول لي

تعالي والله طلع قوس المطر قلت لها عن الخريط اصلاا من زمان ما ظهر بيظهر احين

قالت والله

و اول ما طلعت برا شفته و سررررررررررررت ركض ايييب الفون و اصوره بس الصوره مب وايد واااضحه

وووبس

كنت ابا احط لكم موضوع عن اليوم المفتوح اللي صار عندنا فالكليه بس ان شاء الله مره ثانيه ^^

هناك 8 تعليقات:

Heart Moon يقول...

.
.
.
ههه حليلج مب كسوف يسوي كل ها ههه يله زين شفتيه .. انا كنت راقد مب متفيج خخخخ

وحلو التصميم واايد تسلمين

ومبارك على انتهاء الدراسة وان شاء الله تبشرينا النتيجة السنعة ..

عساج ع القوة وواصلي تميزج

Casper يقول...

بالنسبة للتصميم فشكله جميل

منظر الخسوف للاسف مشفتوش
بس شكله في الفيديوهات تحفة

________

تقبلي مروري
Casper

كريمة سندي يقول...

سبحان الله منظر أكثر من رائع وصورة غزغل حلوة مرررررررة تحياتي

عفوك ربي .. يقول...

وعليكم السلآم ورحمة الله وبركاته

الله يرحمنا برحمته أختي ..
اتمنى ماتكون صلآة الخسوف والاستغفار فآتت العباد ..

الله يجزاج خير اختي ع الموضوع الرآئع ..
موفقة الغالية..

... سعد الحربي ... يقول...

آيات عظيمة جداً

تحتاج منا إلى تذكر عظمة الخالق والاستغفار له دوماً والرجوع له.

اللهم إنا نستغفرك من جميع الذنوب والخطايا ونتوب إليك.

بجد أختي مشكورة على هذا الموضوع وهذه التصاميم الرائعة وجزاج الله خير والله يوفقج بالنتيجة الطيبة.

موفقة أختي.

givara يقول...

الف مبروك على انتهاء الدراسه
وعلى فكره الكون ملئ بالمعجزات والايات التى تدعونا الى التدبر
احسنتى
تدوينه سلسه وجميله
فى انتظار المزيد

محمد سعد القويري يقول...

الأخت الفاضلة :: daloo3a ::
تحية عطرة

وكيف حالك :)

جميلة هي الذكريات

الخسوف آية من آيات الله
استأت كثيرًا وجود مباراة هامة قبل هذه الحادثة ..

تحية لقلمك ولريشتك

أحلى الأماني :)

Zahraa Ali يقول...

السلام عليكم ورحمه الله و بركاته
اما انك تقولي غلط هههههه

جلست احتري الحدث الكوني من الساعه خمس العصر هههههه بس جد بكيت خفت فرحت احساس القشعريره يوم شفت المراحل كلها من جد شعور اعجز عن وصفه ...


اما قوس المطر هذا الشي الي إلا الآن ما تلذذت بشوفته و بشوفه الوانه =\...


ربي يسعدك حبوبه
(=