سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2011-06-27

رحلتي إلى عمان

السلاام عليكم ورحمة الله وبركاته

شحالكم و شووو أخباركم ؟؟

يوم الخميس رحت عمان و رجعت يوم الأحد =)

بتكلم عن كل يوم وشوو صار فيه

يوم الخميس طووول الدرب و انا و اخوي نسووولف و نسولف لين ما وصلنا

أول ما وصلنا تغدينا في بيت عمي

ع العصر رحت سلمت على الأهل

و بعدين رجعت في بيت عمي

اليوم الجمعه

الصبح رحت عند عمتي

العصر رحت مكان اسمه العينين و بعد رحت اسلم على الأهل

فليل كان العشى في بيت عمتي رحنا و تعشينا هناك و رجعت بيت عمي

يوم السبت

الصبح رحت السوق

و اشتريت كمن قطعه حقي و حق أختي

العصر رحت عزبة عمي و هذيل الصور اللي صورتهن هناك



عاد فليل كنت في بيت عمي و عادي

و قبل لا نرقد كنا قاعديين نقرأ كتاب المرأة تسأل و الشيخ يجييب

و كانت الأسئله جدااااااااا سخيفه

المهم رقدنا ع الساعه وحده فليل سكروا الكهرب و تبدأ المعاناه العظمى

الساعه وحده و نص حسيت بالحر و قمت يا حليلي اتحراه انه مأذن الفجر

و قمت و شفت الساعه قلت ياربي اللي أذكره انه الساعه اربع يأذ ليش احين مأذن الساعه وحده

يعني تغير وقت الآذان <<< مسطله من الخاطر

المهم نحن البنات كلللللللنا طلعنا برا فالحوش و بالعاده فليل يكون شي مهب يعني يكون الجو لطيف

إلا هذا اليوم ولا شجرة كانت تتحرك

المهم

انا قعدت اطالع النجوم و اسوي اشكال : مربع و مثلث و ورده << كنت اتحراهم بيشغلونها

المهم رقدت و كنت ارقد شوي و اقووم اتفقد الاحوال

و الأولاد طلعوا جدام المجلس و رقدوا هناك و امورهم طيبه

المهم أذن الفجر و صارت المعاناه الكبرى ماشي كهرب

كيف بنتوضى ؟؟!!

طبعا انا و بنت عمي تلفوناتنا سوني أكسن و فيهن ليت استخدمناهن

بعد الصلااه قعدنا نتريا و نتريا يفتحونها ماشي

اتصلنا فيهم قالوا والله الساعه ست بنفتحها ...

قعدنا و كان كل واحد يقول معاناته كيف هو رقد فليل

ضحكني ولد عمي يعني انتوا بس تخيلوا وياي هو راقد

و متلحف ببرنوص غلييييض و قال انا حسيت بالحر بس ليش محد وعاني ولا ليش محد طلعني برا

قلنا له يوم انت حسيت ليش ما قمت بروحك لازم حد يوعييك يعني ؟؟

ولا عمي الصراحه محد مثله

ما حس بالشي اللي صار و رقد و قام صلى الفجر و لا عليه من شي

و في هاليوم كنا نحن بنرجع العين

رحمت اخوي اللي كان بيسوق يعني كيف بيسوق و هو مب راقد

و كنا مخططين في هاليوم انه قبل لا نظهر نروح حجرة الصوافه اللي هو مثل القلعه

و بعدين عاد نروح و في الدرب نخطف على حصن جبرين

انا هالأماكن كلها شفتها و حافظتها بس كنت ابا اصورها لكم

المهم و نحن فالدرب خطفنا على نزوى لأنه امايه كانت تبا فخار

اخوي نزل وراح يشتري فخار لو كنت اعرف انه بيتأخر كنت بآخذ لفه في قلعة نزوى و اصور لكم كم صوره

هذيل الصور اللي صورتهن و انا في السياره

من قبل كنت حاطه موضوعين عن نزوى اضغط هنا
و خطفنا على بهلا و شفنا سور بهلا

اللي يقولون و الله أعلم انه جنية بنت هالسور في يوم وليلة

و شفنا حصن بهلا بعد

الصراحه ماقدرت الصور لأني كنت فالسياره و ماقدرت

هناك 11 تعليقًا:

... سعد الحربي ... يقول...

ما شاء الله تبارك الله

موضوع وايد حلو

وصور حلوة

وتقرير جداً رائع

الله يسلم إيدينكِ أختي.

ويسعدكِ دووووم.

وأنا أحب الرحلات كثير وعمان معروفة بجمالها الطبيعي.

الله يحفظكم أختي.

كريمة سندي يقول...

صور رائعة بجد .. ورحلة جميلة باين من كلامك عنها .. أسعدك الله دائما اللهم آمين

خجل انثى(نجود) يقول...

ههههههههههههه احلا شي عمك بجد ماعليه من شي.. طنش تعش"
المهم انك انبسطي مع انو كان في معاناة بقطع الكهربه..
الله يحفظك ويسعدك..

sheeshany يقول...

و الله رحلة مليئة بالأحداث مثل ما هو مبين :)))

خدمات البحث العلمي يقول...

الحمد لله على السلامة

رحلة ممتعة

وعلى حظكم طلع الجو حر ^_^

اهم شيء بس استانستوا

وشكرا

رورو الشخبوطه يقول...

الحمدالله ع سلامه..

اكره شي لما يقطعون الكهربا:\ بعرف ليش تنقطع بس بالصيف !!

Heart Moon يقول...
أزال المؤلف هذا التعليق.
Heart Moon يقول...
أزال المؤلف هذا التعليق.
Heart Moon يقول...

.
.
.
هههههه يله المهم استانستوا عيشوا حياة الاجداد .. هههه
وو قصة السور ممم ما اعرف وايد قصص في عمان عن السحرة والين .. الخ ..
وحلوات الصور تسلم ايدج ..

دنيا الخير ... يقول...

...اختي dalo.oo.3atuae

يازين حكايتك .. وحلو طريقه قصتك

وعجبتني اللهجه العمانيه ..

ابي اتعلمها وايد وايد ^_^

...

صور ماعليها عتب بس ازغيرونه

ياليت اخوك تكلم انه بيتأخر عشان تلقطين صور اكثر

بس ماعليه .. اللي جبتيه حلو مرره

.........
أن شاء الله تروحون مره ثانيه وماتقطع الكهرباء . وتكون الشجر من زود الهواء ماتوقف<<<< ماكله سنكرز هع


وبث

دنيا الخير

محمد سعد القويري يقول...

الأخت الفاضلة :: daloo3a ::
أسعد الله أوقاتك وعطر الله أنفاسك
الحمد لله على السلامة
الصراحة ، حمستيني أروح عمان
وأسلوبك متميز دومًا
أرق التحايا