سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2012-04-05

كل يوم

السلاام عليكم ورحمة الله وبركاته

ياااا الله من زمااااان ما كتبت شي في المدونه

اشتتتتقت للكل ^^

امممممم اليوم بخبركم عن احداااث صارت وياي

أول شي حرمة أخوي ربت و يااابت ولد و سمووه ذياااب

و هذا ابوي يأذن له =) ...

الشي الثاااني اللي صار

في يوم الثلااثا دوامي يبدأ الساعه وحده ليين ثلااث فليل هههه لالا الظهر اتخيل فليل بموت من الرقااد ><

رحنا انا و هاكونا و سالم اخوي قبل لا يبدأ دوامي لهالمكان في مدينة العين وين مكاانه بالضبط ماعرف لاحد يسألني

طبعا صورت صووور واايد بس اخترت لكم هاي الصوره

في يوم الجمعه كانت شي عزيمه في بيتنا

فكللللللل خواني كانوا موجوديين عندنا فمن أكبرررر واحد في خواني

ليييييين أصغر واااحد .. و عيال خواني تقريبا كلللهم

كنا نلعب صياد سمك

و بعدييين لعبنا لعبة الخيانه هههه

أحلى موقف في لعبة الخيانه انا واقفه اقول لهم بلعب بس خلصوا هالدوور و عقب بنكمل و ما ألقى إلا مريووم بنت اخوي تنط فوقي و تمسكني قوووووو و صارت عاد الضراابه و دخلت وياهم فاللعب و كله انا و مريم نغش ههههه

هذييل خواني كانوا يلعبون صياد سمك

في يوم من الأيام رحنا لحديقة الحيوانات انا و هاكونا و جرين أورنج و أحمد

فقررنا انه نروح لمبزره و من بعد مبزره رحنا فوق جبل حفيت

و رحنا و كل ما نلف ورا و نشوف أضواااء مدينة العيين نستااااانس عليها هههه

و نقول حق الدريوول وقف وقف بنصور ... و هذاك اليوم كان بررررررد فضييع

و على كثر البرد انا كنت اشرب سفن آب بااااارد و تجمدت من الخاااطر ههههه

فهاي وحده من الصور و نحن فوق الجبل و في صور أكثر بس طبعا اخترت وحده من الصور

بخبركم بآخر آخبار الخط العربي

طبعا اتعلم حاليا خط واحد و اللي هو جلي ديواني غير عن الديواني و احلى بوااايد

لكنه صعب نوعا ماا .. بس حلووو وايد

و حاليا خلصت كل الحروف و ببدأ اتعلم أشبك بين الحروف و بعديين ببدأ في الكلمات

وصورت لكم صف الخط العربي احيانا احس اني بيأس من كثر ما أكتب خط واااحد لكن يوم اشوف لوح الخطاطيين و لوح استاذي

اتشجع و اقول يلاا هااانت ما بقى شي و الله يوفق يارب

حاليا عندي تدريب في إحدى الشركات الهندسية

بس أخلص تدرييب بداوم أربع اسابيع في الكليه و من بعدها

بتخرررررررررررج والله وناااسه ههههههه

...............

باجر بيكون يوم ميلاادي

و بيصيير عمري

ههههه تتحروون بقول لكم عمري

نوووو مستحييل

المثل يقوول الحرمه لا تسألها عن عمرها و الريال لا تسأله كم معاشه

بس احس صار العكس احين ههههه

بيصير عمري بخبركم بعديين

و ان شاء الله تكون سنة خير لي و لكم

و الله يوفقني و يوفقكم يارب =)


تصدقوون ملييت من الدوام قلت انزل الموضوع احسن

بعد خلص الدوام و انا ما انتبهت

يلاا بروح البيت

ووووووبس

مع السلاامه ^^

هناك 8 تعليقات:

عبير علاو يقول...

ألف مبروك المولود الله يحفظه يارب

Ahmed Al-salami يقول...

الله يجعله من الذريه الصالحه.. ويتربى (ذياب) في عز والديه.. ويحفظه ربي ويجعله خير سند وخير ولد.. مبروك

... سعد الحربي ... يقول...

تقرير مررة رائع

واستمتعت فيه

والله يحفظ لكم الوالد
والعائلة الكريمة فرد فرد

والله يجعل كل ايامكم سعادة وفرح

آرثـر رامبـو يقول...

مساء النور
لحضات جميله
ويتربى بعزكم ويكون من الصالحين : )

وكل سنة وانتي طيبه قبل الزحمة

ولاء يقول...

الله يسعدكم جميعاً :) يارب

طموحة مملوحة يقول...

يتربى بعزكم يارب

رورو الشخبوطه يقول...

خوش صور ماشاءالله...

مبروك اللافي وكل عام وانتي بخير..

وولكم باك..

عبيد الكعبي يقول...

موضوع جميل اختي ..

ومبروك ما ياكم ..

ذكرتيني بلعبة صيد سمك .. ذكريات والله ..

بس اتمنى تخبرين اخوج عن المنطقة اللي سرتوها وخبرينا يمكن نبا نروح ..

وشكرا