سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2014-02-28

تقنية المعلومات

السلام عليكم ورحمة الله وبركاته 
شحااااالكم؟؟ 
كم اشتقت لعالمي الصغنن :( 
و صباح السعاده و التفاؤل و كل شي جميل 


هذي الصوره خذتها من الكليه الساعه 6 الصبح هههههههه كنت أفتح باب الكليه 
لاااااااا كانت 6 المساء هع 


بما إني تخرجت بشهادة الدبلوم في التصميم الداخلي و التصميم التخطيطي 
و قعدت سنه تقريبا في البيت قلت خلني أكمل دراستي أحسن 

و طبعا رحت قدمت في الكليه مره ثانيه و قالوا لي بنتصل فيج 
طبعا سووو لي أكبر طاف لكن منو قال اني بسوي لهم كاني ماني 
و صرت كللل يوم مرتزه عندهم في الكليه لمدة اسبوع كامل ههههههه 
كل يوم اروح اقعد مجابله ويهم >> صدق أبا ادرس -_-"
المهم يوم الأحد من الأسبوع اللي بعده نزلوا لي الجدول و قالوا لي ابدي داومي من اليوم 
طبعا كان دوامي يبدأ الساعه 1 قلت خلني أخذ لفه على العين للمره الأخيره << حسستكم صح ههههه 
بس صدق الدراسه أحسها وااايد تاخذ من الإنسان
المهم رحت لمركز القطاره و قعدت عند استاذ علي للي هو استاذ الرسم 
انصدم يوم قلت له اني بدرس تقنية المعلومات IT قالي اني كللل ميوولج للفن 
كيف تدخلين هالتخصص ههههه .. طبعا قعدت أشرح له انه نحن آخر دفعه تخرجت من تخصص التصميم 
و بعديين تسكر التخصص :( 
و أحس من بديت الدراسه ابتعدت وااايد عن الخط و التصوير و الرسم ماعرف ليش :( 
حتى المدونه صرت واايد افتقدها و أبا أرجع أكتب فيها مثل قبل لكن ماعرف ليش مب قادره أسوي هالشي :( 
المهم
بديت أدرس هالتخصص 
و كانت في مواد سهله وااااايد و لله الحمد بس في ماده كنت وايد خايفه منها لدرجة إني نذرت لو نجحت فيها بتصدق لطالب علم ههههههههههه .. جد الماده كانت كرييه وايد يعني ما أحب هالتعقيدات كلها ><
المهم الفصل الأول عدى على خير 
و احين بدينا الفصل الثاني و ماعرف ليش للحين فيني اكتئاب مابا أكمل :( 
ماعرف هل هو خوف من المواد لأنها نوعا ما كلها دسمه أو خوف من الامتحانات و غيره و غيره من الأشياء
بس أحاول اني أمشي أموري و أتفائل و أقول في نفسي إني أنا بنت شطوره و حبوبه و لزيزه هههههه 
بس جد جد انه الواحد يرجع للدراسه بعد ما يوقف سنه او اكثر صععععب يحس انه فيه تصلب في المخ كيف ما أعرف
صعب انه ارجع استوعب الأشياء
و بذات اني درست تصميم فما كنا ندرس دراسه حقيقيه كله كنا نسوي مشاريع 
و المشاريع كنا نشتغل فيها في الكليه ما نشتغل في البيت
فكانت الأمور طيبه هههههه
أما احين ما فيش كاني ماني >< 
الله يوفقني و يسهل علي 

و هذي صوره من كلاس البرمجه 
جدااا جميل بس يباله شغل و تفكير 

يالله يارب الله يوفقنا و يسهل علينا يارب 


هناك 7 تعليقات:

sheeshany يقول...

بالتوفيق إن شاء الله :)

عجبني إلحاحك عليهم وال كاني ماني - هاها.

-------
ايش يعني "كرييه" ؟؟
يعني صعبة؟ واللا من "كره"؟؟

daloo3a يقول...

هيثم :
ان شاء الله و يوفقك يارب :)

ههههههه

كرييه يعني صعبه و بعد من الكره ههههه

:)

غير معرف يقول...

كيفك يا قمرايه
جميل انك كلمتينا عن مجال دراستك
الله يوفقك دايما
انا اعجبتنى جدا صوره الغروب الجميله اللى صورتيها دى
وعجبتنى ايضا مدونتك وان شاء الله دايما اتواصل معاكى واسمحيلى اضيف مدونتك عندى
تحياتى

daloo3a يقول...

قمر

الحمدلله
شكرا لج
اتشرف :)

<3

مهرة سالم يقول...

السلام عليكم ..
ههههه غمضتيني الصراحه تعرفين ربيعاتي ردن يدرسن ودخلن آي تي وعينك ما تشوف إلا النور حاسه فيج لأبعد مدى من إلي شفته بويوهم أيام الإمتحانات ربيعتي تقول لو يبت سي يعني أنا نابغه في ماده صعبة شو بس ما عليه كله يعدي الصعوبة لأنا تركنا الدراسة فترة ورجعنا والمواد غريبة عنا
...
الله يسهل ويفتح لج فتح العارفين

daloo3a يقول...

نهار: يا ختي زين عديييت و ان شاء الله أعدي هالفصل بعد ههههههه

دعواتكم :)

م/ احمد الزينى يقول...

بالتوفيق
مجال البرمجة مميز فعلا وله مستقبل باهر

تقبل مرورى
مع تحيات بكسل العربية
تصميم مواقع