سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2014-04-09

تمرد ذاكرتي

السلام عليكم و رحمة الله وبركاته 
شحالكم ؟


تمرد ذاكرتي و هل للذاكره حق التمرد ؟؟!!
أجيبوووني 


أمزح أمزح ههههههه 
Free Smiley Courtesy of www.millan.net

امممممم يمكن تقولون الكلام اللي بكتبه ما يخصه في عنوان التدوينه 
لكن بخبركم في النهاية ليش هذا العنوان !!!
:heart:

ما أعرف كيف أبدأ   
المهم بسم الله 
تعرفون كلحد يشوف شكلي يقولون انتي هاديه واايد 
لكن امايه تقول الساكت ناكت ههههههه << حماس 
المهم 
يوم كنا صغار كنا نسوي حركات واايد .. لكن الحركات تكثر إذا رحنا عند عيال عمي
شر + شر =  ههههههه المهم فهمتوها يعني 
كنا نروح نحن و بنات عمي مدرسة القرآن .. و كأنه نروح بس عشان نشرد 
و كلل يوم نروح و نشرد  و المشكله انه اللي كانت تعلمنا تعرف لكن ما كانت تقدر تسوي شي 

حتى من كثر الشردات مب قادره اقول و أعبر ههههههه
مره قلنا لها نبا نروح بيت الراحه و طبعا كان لازم نروح عند المسجد و نحن كنا نبا نشرد اصلا 
قالت لنا انزين روحن طبعا انا و بنت عمي خذيناها لفه على المزارعه و استمتعنا و استانسنا 
و حبينا فكرة انه نقول لها نبا نروح بيت الراحه ... رحنا قلنا لها اليوم الثاني نبا نروح بيت الراحه 
قالت لنا لا انتن أمس شردتن ماشي روحه .. توهق البطل 
نحن نبا نشرد و ضروري نشرد .. بعد الشي كان إجباري .. من العادات 
قالت بنت عمي تعالي بنروح محد بيعرف قلت لها لا كيف قالت لي تعالي طاف محد بيعرف 
المهم شردنا 
و كالعاده نحوط عند المزارع .. 
مره من المرات بعد ... كنا انا و خواتي رايحين مدرسة القرآن و رايحين بدون بنات عمي ..
وكنا قاعدين في مكان بعييد عن الباب .. و طبعا كنا نفكر " كيف بنشرد ؟؟ " سؤال صعب سؤال يراودني Free Smiley Courtesy of www.millan.net
و طبعا شو كانت الخطه الجهنميه .. انه نتقرب من الباب شوي شوي .. و فعلا تقربنا من الباب شوي شوي 
و تمت الخطه بنجاح ... لكن قبل لا نوصل عند الباب قالت لنا المدرسه " بنات سرحان إذا تبن تروحن بيتكم روحن " 

طبعا نحن قعدنا شوي و بعدين روحنا << اونه يعني ههههههه 

أحين اتذكر هالسالفتين بس عن المدرسه و لكن هناك الكثير و الكثير ... لكن وايد اشياء في مخي كل سالفه تقول اكتبيني انا 
و السوالف تتضارب في مخي 

أحين بخبركم سوالف ثانيه غير عن مدرسة القرآن في منها في المدرسه و منا في البيت و منها في السكه و منها فالحديقه 

ببدأ باللي في الحديقه ... 
و نفس الشي كان لازم كل ما انروح الحديقه لازم لازم لازم لازم لازم نضارب الناس 
ما يصير نروح الحديقه بدون ما نضارب الناس .. سواء كنا بروحنا أو مع بنات عمي 
المهم نضارب الناس .. لأنه إجباري ... إحدى الوصايا كانت " اللي يضربج أضربي عينه " و انا أحب اسمع الكلام 
و أحب انفذ الوصايا Free Smiley Courtesy of www.millan.net
ما شاء الله علي .. اللهم لا حسد :cool:
عاد احين شو أخبركم أي سالفه وااايد لكن في بالي كمن وحده أحين 
مره خواني كانوا يضاربون شباب قالوا لي تعالي تعالي عندهم بنت ضاربيها طبعا انا احب الفزعات ما شاء الله علي هههه 

و رحت ضاربت بنتهم << محد قالها تكون بنتهم 

و السالفه الثانيه كنا انا و خواتي و بنات عمي فالحديقه ... و في بنت كنا ما نحبها هههههه من يوم ما شفناها بس بعدين ما ادري شو اللي صار و صارت الضرابه و انا حليلي ما كنت اعرف بعدين شفتهم و رحت عندهم 
و شوفوا انا مب شر بس الناس تجبرني ع الشر هههههههه .. يوم رحت اخت هالبنت شلت تراب و فرته علي 
عاد عظمة الشر اللي فيني اشتغلت  و رحت و مسكتها و سدحتها فالأرض و قعدت فوقها << هذي طريقتي في الضرابه هههههه و ضربتها و ضربتها و ضربتها و يوم شبعت شليت تراب و فريته فيها ... الضرب كان أدب حقها عشان ما تتعدا على الناس و يوم شليت التراب كان " العين بالعين و السن بالسن و البادي أظلم"  :glad: 
يعني حليلي و الله =U.U= 

أحين ننتقل حق سوالف البيت 
يوم كنا صغار كنا نلعب لعبة صياد سمك على قولت أبلة الرياضة " دي لعبة صياد سمك لعبه عربيه عريقه
و كنت دايما في فريق سعيد << أخوي طبعا كان دايما دايما يعصب علي لأني بادره و كان من كثر ما يعصب عيونه يحمرررن ههههههههه .. 
و انا بكل برود أقول له انزين شو أسوي 
و كنا يا نغش و لا خسرانين 

و بعد يوم خواني كانوا يروحون المدرسه .. عاد انا و خواني الصغار نلعب و نلعب لعبة صياد سمك 
طبعا كنا انا و سالم اخوي غشاشين 
نسوي انا و هو فريق و نخلي عامر و احمد فريق و هم صغار ههههههههههه كنا نخدعهم 

و بعد مره كنا نطلع السطح و نشل معانا ماي بارد و نشوف الدياي " الدجاج" و نصب الماي فيهن و نقول باااااارررررررد 
Happy Dance

أحين خلنا نروح لسوالف السكه 
مره كنا فالسكه انا و خواني و شوي نشوف كلب  و كان شكله نفس الأسد >> يخوف للحين اتذكره هههههه 
فوبيا 
و كنا كالعاده لازم نلعب و نخرب و نضارب عيال الناس أو نروح و ندق باب بيت الجيران و نشرد << كان روتين يومي 

في ناس كانوا من الحاره الثانيه و كنا ما نحبهم هههههههه 
و في بيتنا كان شي قطاو وااايد رحنا انا و سالم شلينا هالقطاو << كان تخصصنا نمسكهن 
و حطيناهن في كرتون و وديناهن بيت هالناس فريناهن من اليدار بعد 

أحس البوست طويل ... عندي واايد سوالف ... حرااام ..
يلاا ما عليه بكتبهن مره ثانيه في بوست ثاني ان شاء الله 
Free Smiley Courtesy of www.millan.net

اتمنى ما كون طولت عليكم ووو سوالفي تعيبكم 


صح شو صلت العنوان باللي كتبته ... يعني أحين و انا في محاضرات و أتذكر هالسوالف اقعد أضحك بالله عليكم مب متمرده ذاكرتي ... أحس احيانا كأني مجنونه بسبب إني فجأه اتذكر و أضحك 

أوليست متمرده ؟؟!! 



هناك 16 تعليقًا:

Unknown يقول...

😂 ههههه حلوه القصه هههه الله يعطيك الصحه ...

HάķöØnã✿რätatã يقول...

ههههههههههه بوست لذيذ ،، حلوة ذكريات الطفولة \ الواحد ما يملّ من تذكّرها ..
وليت التمرد يصل لدرجة إنه يعيّشنا تلك اللحظات مرة أخرى ههههه


الله يبارك ويزيد في التمرد >> اذا هذا نوعه هع ^^

الجوكر يقول...

تمردى كثيراً
حتى نستمتع ونتلذذ أكثر
فنحن فى حاجه الى مثل هذا التمرد
حتى تجد الإبتسامة طريقها الى الشفاة

تقديرى

غير معرف يقول...

هههههههه حلو ان شاء الله ف مزيد من التمرد ف بوست اخر

غير معرف يقول...

ضحكتينى بجد
كل ذكرياتك لذيذه وفيها مرح وشقاوه الطفوله
تحياتى ليكى ياقمرايه

ٌرحيـــــــــــــــــــــــل يقول...

هييييهااااء عفكرة طفولتج تشبه طفولتي هههههه مواليد أي سنة انتي؟؟

sheeshany يقول...

u made me smile
:)
--------
متمرده
on yr own right

daloo3a يقول...

Issa
HakoOona
الجوكر
غير معرف
قمر و ليل و غيوم
رحيل
Haitham Jafar

شكراً لكم جمييعاَ :) <3

رحيل : من مواليد سنة 91 هههه ^^

Omar Ibrahim oimi يقول...

تسلمو :)

halma يقول...

دلوعة هل كبرتي ؟ :p
للحين أتذكر صورة ماركو
يمكن سنين مرت
سعيدة بك يا صديقة
بخصوص البوست انتي متمردة بقوة :p
كل هاذي مواقف مشاغبة

daloo3a يقول...

omar : شكرا ^^

daloo3a يقول...

halma : هههههه لا بعدني P:

شاااكره لج :)

و اتشرف فييج <3

^^

~أم حرّوبي~ يقول...

ههههههههه اثرج شيطانه ...حبيت السوالف ذكرتيني في ما مضى خخخخ

ALLELIO- موطنـــــــــــــــــــــــــــى(ma patrie) يقول...

هههههه اختى الفاضلة

اتمنى ليكى مزيد من التمرد مستقبلا

دمتى بود

نصر المحاربي يقول...

حلوة القصص ههههههههه لكن ماحلوة للبنت أنا ولد وماسويت نص اللي سويتيه!!

غير معرف يقول...

أعجبتني