إلى آل ثاني 1

السلاام عليكم و رحمة الله وبركاته 

شحاااااالكم و شو أخباركم؟ 

الجو اليوم واااايد حلو ما شاء الله 

أدري طولت عليكم >>> وايد مشغوله في ولا شي  

نكمل موضوعنا دلوأتي 

طبعاً قمت الفير " الفجر"  و قعدنا انا و أختي نسولف و نستهبل شويات 

و قررنا نروح عند "سعيد و أحمد " 

و رحنا لهم وطفرنابهم شوي 

و فأحمد فتح البلكونه و قالنا تعالن شوفن كان الشروق 

كان حلووووووووووو 

بعدين قررنا نجهز و ننزل للحديقه اللي تحت و جهزنا و نزلنا و هذي صور الحديقه 

طبعا في وااايد صور بس أكثرها في الكام و هذي من التلفون لذلك أعذروني 

بعديين اللي حصل رجعنا فوق و قعدنا نتريا الباقي يجهزون عسب نتريق و بعدين نروح نحوط

احين خلاص الكل جهز نزلنا نتريق و مثل ما خبرتكم قبل لأني اسوي رجيم 

كان ريوقي خفيف هههههه >> بتكفخ 

بعدين قررنا نروح سوق واقف خذنا لفه سريعه على سوق واقف 

و بعدين رجعنا للفندق .. تصدقون وايد كنا نقعد فالفندق و إذا دخلنا الفندق نقعد واااااااااااااااايد لين نطلع 

لازم تروحون عند مجموعة تجهز بسرعه اهم شي >> تعلمت هالشي " يقولون للسفر 7 فوائد" 

و انا و اختي حليلنا دايما نجهز اول حد و نقعد نتريا الباقي 

و نحن نترياهم قررنا ننزل الحديقه مره ثانيه 

و نوصل لآخر مكان فيها

هذا آخر مكان فيها 

بعدين قررنا نروح لكتارا 

و كان قريب العصر 

رحنا و تغدينا هناك و تحوطنا و قعدنا في كتارا لين المغرب 

تغدينا في هالمطعم... مطعم إيطالي 

أخيس شعور الانتظار 

 طلبت باستا لزيزه >> للرجيم تنفع هههههه  

و طلبنا هالشي كتصبيره .. من تصوير أختي و تصميمها 

و بعديين رحنا نحوط و عاد صدق صدق في كتارا صورت أكثر شي بالكام 

الشاطر اللي بيقول شو يعني هالتمثال .. ماله شي 

طبعاً انا و أختي كنا نبا نكتشف المكان 

و انا كنت ادور اي دري " سلم" عشان أطلع فوق و أشوف شو الموجود 

و عند كل دري نحصلهم مسكرينه

و بعدين لقينا واحد مفتوح قريب من المسيد " المسجد "   

المهم بعدين أذن المغرب و صورت هالكمن صوره 

كنت أتوقع منارة المسيد بيكون فيها ليتات أكثر و كنت متخيله شكلها كيف فالظلام

لكن للأسف طلع فيها كمن ليت ههههه .. حرام والله لأنه المناره وااايد حلوه 

و فيها زخارف فصدق حرام انه ما كانت وايد واضح فالليل 

و طلبنا من جباتي و كرك .. كنت وااايد اشوف صور و اشوف الناس تمدحه 

امممم الصراحه الكرك حلو طعمه لا بأس به رغم اني ما أشرب وااايد شاي 

بس الجباتي حسيت فكي عورني و انا آكله ههههه و بعد مافيه شي يعني بدون جبن اصلا عادي " أمايه تقول اللي ياكل جبن وايد يستوي غبي"   

الظل في هالصوره ذكرني بشعار هيئة الثقافة و التراث عندنا  

و من بعد جباتي و كرك رحنا للبحر 

كان حللووو الصراحه و ما كان برد كان الجو حلو 

صارت مواقف حلوه في هالمكان و استمتعنا الصراحه 

اممممم بعدين خواني كانوا يبون يرجعون الفندق

و نحن البنات ما نبا نبا نكمل حواطه 

يعني لازم نستغل الفرص و لازم نحلل الوقت " البقاء دائماً للأقوى " 

قررنا نروح المول "فيلاجيو" 

هذا أول ما وصلنا للمول حبيت شكل هالبنايه 

ذكرتني بالشعوب اللي يحطون حلقات نحاسيه في رقبتهم عشان تكون طويله ههههه 

المهم 

هذي صور عن المول .. الصراحه حبيته 

يعني رغم انه كان ليل بس من دخل المول كان كأنه عالم ثاني 

و كأنه فالنهار 

الموقف اللي صار فالمول .. حمد و سعيد دخلوا مكان للاتصالات فقلت لأحمد نحن بندخل بس هالمحل

محل الملابس لين ما تخلصون قالي هييييه عشان بعدين ما أحصلكم غير في آخر السيد 

قلت له لا بس هالمحل 

دخلنا محل الملابس 

و هم ما خلصوا و دخلنا الثاني و الثالث و بعدين قعد احمد حليله يدورنا 

و بعدين تعشينا في مطعم هندي .. كان الصراحه زحمه و لاشفت اسمه و لا صورته 

بس صورت الأكل للرجيم يعني هههههه

طلبت شوربة عدس و كانت لذيذه بس ما كملتها تعبت ههههه 

و طلبت سلطة بطاطا و عصير ما اعرف شو اسمه بس كل اللي أذكره كان فيه جوز الهند و ماحبيته بعد

و بعدييين خلاص خلص اليوم و رجعنا للفندق 

و قعدت أطالع التلفزيون و بعدين رقدت 

و تصبحون على خير 

اشوفكم فاليوم الثالث ههههه 

اسمحوا لي صغرت الصور وااايد بس لأنه عددهن كبير