سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2015-04-19

إلى آل ثاني 2

السلام عليكم ورحمة الله وبركاته 
شحالكم اليوم و كل يوم نقول اليوم 
من متى ناويه أكتب هالبوست 
بس كنت زعلانه لأني ما شافرت هههههه 
مريت في حالة حزن شديييد 
و كل يوم أقول بكمل و بكمل لكن كل مره يصير شي و لا أكتب 
المهم اليوم قررت إني اكتب و اتحمس للكتابه 
لذلك بكمل لكم السالفه 

طبعاً أول ما قمت الفجر و الكل راقد و انا حليلي 
قاعده و كنت نشيطه
و طبعاً اكتشفت قناة عجيييييبه كله اللي فيها أفلام دزني 
كان أحلى شي الصراحه 
طبعاً يوم شفت النشاط اللي فيني و جيه يعني 
قلت خلني أرسم و استمتع و في نفس الوقت أرسم
معلم من معالم قطر 
لذلك قررت أرسم " فنار الدوحة " 

animated-work-smiley-image-0031
ترتبط كلمة "فنار" بمبنى مركز قطر الثقافي الإسلامي من ناحية الهندسة المعمارية والموقع المتميز له الكائن بمنطقة الأسواق قريبا من شاطئ مدينة الدوحة "كورنيش الدوحة" ليكون كمنارة تهدي النفوس الحائرة إلى بر الأمان على غرار المنارة التي تهدي السفن إلى المرفأ الآمن وسط البحر حيث ينصب عادة. "الفنار" أو ما يعرف بالمصباح المضئ على سارية كبيرة أو برج مرتفع لإرشاد السفن في عرض البحر إلى طرق الإبحار والشواطئ الآمنة

طبعاً صورة الرسمه في كل بقاع الدنيا القطريه هههههه .. في كل مكان الصراحه صورتها
من خلصت الرسمه و كل شي قعدت أطالع القناة اللي اكتشفتها
animated-jumping-smiley-image-0031 
و بعدين خواني قاموا و قررنا نروح لسوق واقف
و رحنا بعد لمتحف الفن الإسلامي 
و يوم رحنا لسوق واقف اكتشفت اكتشاف عظيم 
هذيل الصور قبل الاكتشاف 


حبيت هالتحفه... عيبني شكلها واايد animated-love-smiley-image-0023

هذا دخلنا محل كل شي بالزجاج وااايد حلو ما شاء الله تبارك الرحمن 
و حبيت هالتحفه واااايد .. وايد أحب هالسوالف animated-love-smiley-image-0006

و هذي صورة ثانيه للرسمه ههههه

و هذا اكتشافي العظيم ههههه .. كنا شاردين animated-cheeky-smiley-image-0053
و بعدين لحقونا 
المهم هالمكان في واقف بس القسم اليديد 
وااايد حلو ما شاء الله 
animated-jumping-smiley-image-0028



و هذا الاكتشاف الثانيanimated-crazy-smiley-image-0021 .. محل الايس كريم امممممم لذيذ 
المحل كان في مكان منخش المهم اني وصلت له و طبعا شفت هالشكل
و شليته لو كان بيعطيني اياه والله وايد زين ههههه 
بس قعدنا نلعب فيه أنا و اختي و أحمد animated-eating-smiley-image-0054

و هذا الآيس كريم اللي خذته " آيس كريم رمان " لذيذ ما شاء الله 
و أختي خذت الآيس كريم اللي فيه أكثر من نكهه animated-eating-smiley-image-0050

بعدين قررنا نروح للمتحف 
هذا برا المتحف 

و هذا جدام المتحف 

و هذا من داخل 

المتحف الصراحه حلو .. بس يبالكم همه عشان تشوفون كل شي و تتحملون المشي 
هو ما شاء الله 4 طوابق 
و كل طابق و كل قسم فيه شي معين 
و طبعاً هو كله عن الحضارة الإسلاميه 
و الفن الإسلامي بأنواعه 
و الصراحه انا صورت واايد صور بس بحط لكم كمن صوره بس 























هالصورتين للمتحف من داخل .. وايد حلو ما شاء الله animated-love-smiley-image-0059


بعد المتحف ردينا الفندق و طول الوقت نحن نفكر وين نتغدا
آخر شي قلنا بنتغدا في مطعم من المطاعم الموجوده فالفندق
رحنا لمطعم موجود فالطابق 11 و في هالطابق ماشي غير هالمطعم 
طبعاً دخلنا و المكان كلللللللله ظلام .. ما ادري شو هالجو الماصخ 
المهم 
قالوا لنا اونه شووو ما عندهم أكل و انه بيفتحون وقت العشا animated-thinking-smiley-image-0009
شو فايدتهم ما ادري >> انا يوعانه و ما اتحمل هالحركات 
المهم بعدين نزلنا تحت و رحنا لمطعم و طبعاً طلبنا أشياء خفيفه يعني سمبوسه و هالسوالف 
و في أثناء تجهيز الأكل 
طلعنا للحديقه نشوف الغروب 
هذا و نحن قاعدين فالمطعم 

و هذا يوم طلعنا للحديقه 


و بعد ما أكلنا و شبعت ما شبعت اصلاً .. بس أوني شبعت ههه
رجعت للغرفه و قلت برقد بريح شوي 
و طبعاً رقدت لين وقت العشا 
و خواني راحوا للعرس .. كان عرس ربيع حمد و العرس كان في نفس الفندق اللي قاعدين فيه 
يوم صار وقت العشا أختي وعتني طبعاً اكره شي انه حد يوعيني من النوم 
ما يخلون الواحد يستمع بأحلامه الجميله لازم حد يخرب 
طبعاً قمت و انا معصبه من خاطري عليهم هههههه 
و رحنا للمطعم اللي ما عندهم أكل هههههه إلا ما اجربه 



هذا المطعم من داخل كله ظلام 
يعني كيف اشوف الأكل !! .. بس أكلهم حلو لا بأس به 
طلبت من عندهم تبوله و مشاوي و حمص و هالسوالف يعني 
animated-eating-smiley-image-0025
انا ما اعرف ليش طول الرحله ما كنت أشبع يوم آكل .. ما ادري ليش يمكن عشان الرجيم اللي أسويه ههههه 

المهم وبعدين كل واحد رجع لغرفته 
و خواني يحوطون كالعاده 
و بعدين اييه اللي حصل 
انا ما رقدت قعدت أطالع قناتي الجميله و بعدين قلت خلني اشوف الدنيا 
من البلكونه و شفت الدنيا كللللها عيناويه ما ادري شو السالفه
بس حبيييت اللون animated-love-smiley-image-0007
هذي صوره لجزء من الفندق من فوق 

و هذا المباني المقابله للفندق 

الصراحه ما اعرف ليش كل شي عيناوي .. بس حبيت اللون

و بعدين قعدت أطالع أفلام كرتون لييين رقدت

و تصبحون  على خير animated-sleep-smiley-image-0004
باقي آخر يوم و نكمله في يوم ثاني ان شاء الله