سبحان الله و الحمدلله ولا إله إلا الله و الله أكبر ... سبحان الله و بحمده سبحان الله العظيم ... لا حول ولا قوة إلا بالله العلي العظيم... اللهم صلي على محمد وعلى آل محمد كما صليت على أبراهيم و على آل ابراهيم وبارك على محمد وعلى آل محمد كما باركت على ابراهيم و على آل ابراهيم فالعالمين انك حميد مجيد

2015-06-14

إلى آل ثاني " الجزء الأخير"




السلام عليكم ورحمة الله و بركاته 
شحاااالكم ؟؟ و الله من متى ابا اكتب هالبوست 
و كل مره أأجل هههههه
و كل مره اقول بقوم الصبح و بكتب و بخلص 
لكن " النوم سلطان " animated-sleep-smiley-image-0030
انا ما ارقد واايد بس ربيعتي تقول لي الرقاد في مخباج
متى ما بغيتيه رقدتي هههههههه 
حليلي 
المهم اليوم بكمل لكم الجزء الأخير من رحلة قطر 
أول ما قمت الفجر طبعاً كل عاده الكل راقد 
و انا حليلي اتم واعيه 
طبعاً في هالوقت شو سويت 
امممممممم 


طع من الملل شو قاعده اسوي هههههه 

 بعدين وعيت أختي و تجهزنا على السريع و نزلنا الحديقه 
كان حللو هاليوم محد كان فالحديقه 
و طبعا انا و اختي قعدنا نلعب و تمشيييت على البحر و حطيت رويلاتي فالماي 
ووووووو جمعت صدف


video


هذا فيديو صورته على السريع .. ووو بعد قعدت أكتب اسماء ربيعاتي 
و كتبت حرف "ح" كتبته بالجلي ديواني تعلمته يوم كنت آخذ دورات خط عربي
يا في بالي اكتب هالحرف و كتبته ههههه 


انزين و بعدين لعبنا شويات 
و بعدين رحنا تحوطنا فالفندق و اكتشفنا أماكن و أماكن فيه 
و شفنا مكاان فيه لوحات فنيه جداً جمييييل المكان 
و عقب رجعنا غرفتنا عشان نجهز باقي الأغراض
طبعاً انا انسدحت و قعدت أطالع قناة دزني عيبتني و الله 
كلها افلام كرتون 
حتظ صورت اسمها عشان اتم اتذكرها هههه 


بعد ما خلصنا قررنا انه نتريق برا الفندق 
و رحنا سوق واقف عشان نتريق و بالمره نشتري الهدايا

شدني وايد هالمكان لأنه جديم وايد و ما ترمم و المكان محد فيه بعد هذا اكتشاف كان ههههه 

حبيت هالولاعات شكلهن حلوووو ما خلوني اشتري 

اشتريت بيانو زجاجي حلو شكله ما عندي صوره له بس ان شاء الله بحط لكم صوره قريب 
و البيانو فيه سمفونيه من سمفونيات بتهوفن جمييييييييل 
و بعد ما خلصنا من سوق واقف 
عاد رجعنا و خلصت الرحله ههههه 
لالالالا في أحداث صارت في الدرب 
و نحن رادين خطفنا بعد على مكان ثاني و ع فكره كنت راقده ههههه 
animated-sleep-smiley-image-0033
كنت ناويه ارقد طول الدرب أعوض عن الايام اللي ما رقدت فيها 
بس ودوونا البحر كان حلو 
و يخوف بعد يعني المكان مافيه شاطئ بس نزلت 
اووووه جميييل الصراحه 

بعديين نزلت تحت 
على فكره انا وايد اخاف من البحر بس احبه ههههه 
يعني احس لو تعلمت السباحه مابخاف بس بعد اخاف اتعلم 
يوم بتعلم السباحه بستوي animated-seafaring-smiley-image-0010




و نحن في هالمكان أحمد اخوي حصل صدفه 
شكلها غريب و حلوو 

و بعدين هالصدفه صارت صديقة صدفاتي 
ترا ع فكرة في صدف تحتتها هههههه 

المهم بعدين روحنا من هالمكان الجميل 
animated-love-smiley-image-0059

و ردينا 
و الحمدلله اني شليت معاي كل العده 
شليت اللاب توب و الآي باد و أدوات الرسم 
طبعاً يوم طلعنا من قطر دخلنا السعوديه 
فالسعوديه تخيلوا تمينا فالمركز لمدة ساعتين 
و نحن بس فالسيد 
كان وااااااايد زحمه المركز و تفتيشات فضيعه 
طبعا في هذه الاثناء نحن نسولف و بعدين شغلت لهم
افلام كرتون و خطف الوقت و لله الحمد
و بعدين قعدت ألعب على الآي باد و مسوتلهم جوو حماسي ههههه 
و بعدين و لله الحمد دخلنا الأمارات 
و نزلنا نصلي
و نحن داخلين المسيد عشان نصلي كان في باص ما اعرف هالناس رايحين و لا رادين 
المهم كانوا يبون يروحون السعوديه
المهم كنا نحن قاعدين داخل المسيد و في حريم رايحات و حريم داخلات  
و نحن داخل المسيد قاعدين 
إلا ولد هو ما كان صغير بس مب شاب يعني بين و بين فهمتوا صح هههه 
هالولد دخل داخل المسيد و مسيد الحريم animated-thinking-smiley-image-0003
اول مره دخل سكتنا انا و اختي و بعدين مره ثانيه دخل
قلنا نعم نعم يعني مسيد حريم ليش تدخل فيه 
قال و الله الحريم اللي فالباص قالن لي ادخل احط تلفوناتهن فالجارج 
animated-thinking-smiley-image-0014
نعم يعني جد جد نعم مسيد حريم كيف تخلون هالولد يدخل
حتى لو هو في نظركم صغير هو فالآخر ولد و هالولد عمره تقريبا بين 10 و 12 سنه او كبر بعد
يعني مب صغير 
بس ماعليه هالمره سكت و ما قلت شي 
بس لو استوا هالشي مره ثاني بنازعهن 
و بعدين كملنا دربنا و انا علظ نفس الحال 
و وبعديين خلاص وصلنا البيت و لله الحمد 

و تم بحمد لله و عونه 
animated-love-smiley-image-0055

احس وايد اشياء ناقصه ههههه بس لو تذكرت بخبركم 






هناك تعليقان (2):

HάķöØnã✿რätatã يقول...

وأخيرًا حطيتي آخر جزء !؟ ههه
يعطيج العافية ،، ويبدو إنكم واايد استمتعوا الحمدلله
وأكيد لو كنت وياكم بتستمتعوون أكثثثثر هع !

الله يرزقج ماتتمنين وتسافرين أكثر وتكتشفين أشياء يديدة ^.^

Issa Al-Habsi يقول...


تلوح في سمائنا دوما نجوم براقه .

لا يخفت بريقها عنا لحظه واحده

نترقب اضائتها بقلوب ولهانه

ونسعد بلمعانها في سمائنا كل ساعه

فاستحقت وبكل فخر ان يرفع اسمها في عليانا .
وااااو روعه المدونه .. ما شاء الله بصراحه كان فيها مغامرة جميله .. الله يكتب لك الخير وشكرا ع الكلام الجميل والتعبير المرتب والله يكتب لك الخير ف دنياك ..